Психология фанларини ўҚитишда ўйинли технологиялардан фойдаланишнинг хусусиятлари

10 - ўйин: «Ойна»
Ўйин мақсади: ўқитувчиларнинг коммуникатив имкониятларини ривожлантириш.
Гурух иштирокчилари жуф – жуфт бўлиб оладилар, ҳар бир жуфтликда бир бошловчи танлади. Иккинчиси унинг ойнаси бўлади. Бошловчи қули билан кутилмаган ҳаракатларни амалга оширишлари керак. Иккинчи иштирокчи бу ҳаракатларни синхрон равишда ойнада аксини такрорлаши керак. Ўйинчилар орасида сўз коммуникацияда вужудга келадиган қийинчиликлар муҳокама қилинади. Психолог иштирокчилар эътиборини одамлар орасида қандай индивидуал динамик фарқлаш мавжудлигига, уни тўғри тушунтириш ва ҳис қилиш учун суҳбатдошга қанчалик муҳимлигига қаратади. Бу ўқувчиларни тушунишда муҳим ҳисобланади.


ХУЛОСА
Бозор иқтисодиёти шароитида мамлакатимиз иқтисодий қудратининг ошиб бориши жамиятимиз ижтимоий соҳасининг марказий ҳалқаси бўлган таълим-тарбия тизимида ҳам туб ислоҳотларга олиб келди. Талаба ёшлар таълим-тарбиясини такомиллаштириш, уларга берилаётган таълим мазмунини кенгроқ бойитиш ва таълим узлуксизлигини таъминлаб бериш учун янгидан-янги қонунлар ва ҳужжатлар қабул қилинмоқда, замонавий педагогик технологиялар яратилмоқда. Замонавий педагогик технология фан асослари бўйича ўқувчи-талабаларнинг билиш фаолиятини мақсадга мувофиқ тарзда ташкил этиш ва амалга оширишни кўзда тутади.
Янгича ёндашув, янгича фикрлаш асосида ўқитиш жараёнида талабалар фаолиятининг самарали шакл ва услублари, уларнинг мустақил ишларини ташкил қилиш керак. Бунда мустақил топшириқлар талабаларни ўйлашга, ҳар томонлама фикр юритишга, берилган топшириқларни ўз ҳаётий тажрибаларига асосланиб ҳал этишга ўргатади.
Маъруза ва амалий машғулотларни ўтиш жараёнида муаммоли вазият талабаларнинг қизиқиши, билим савияси, фикр юритиш доираси ҳисобга олинган ҳолда ташкил қилинади. Муаммоли вазиятни яратишдан кўзланган асосий мақсадни амалга ошириш учун вазиятни баҳолашда талабаларнинг оғзаки ва ёзма жавобларидан вақти-вақти билан фойдаланиш мақсадга мувофиқдир.
Олий ўқув юртларида ахборот технологияларини замонавий педагогик технологиялар билан уйғунлашган ҳолда қўллаш талабаларнинг билиш фаолиятини фаоллаштириш, ўқув машғулотлари самарадорлигини, ўқитувчиларнинг касбий тайёргарлиги, ўқитишда масофавий таълим ва компютер саводхонлигини орттиришга замин тайёрлайди.
Демак, замонавий педагогик технология – тизимли ёндашувлар асосида таълим шаклларини қулайлаштириш, натижасини кафолатлаш ва объектив баҳолаш учун инсон салоҳияти ҳамда техника воситаларнинг ўзаро таъсирини инобатга олиб, таълим мақсадларини ойдинлаштириб, ўқитиш ва ўзлаштириш жараёнларида қўлланиладиган усул ҳамда методлар мажмуидир. Мана шу метод ва усулларни ишлаб чиқиш, таълим-тарбия жараёнида қўллаш ўқитувчи (педагог)ларнинг асосий вазифаларидан бирига айланиши зарур. Шундагина жамиятимиз узлуксиз таълимда фаолият кўрсатаётган ходимлар олдига қўяётган ижтимоий буюртмани бажара олишига эришиши мумкин.