«Poytaxt exclisive» nashriyoti Toshkent – 2022

III bob
O‘smirlikdagi sho‘xlik
O‘smirlik davri, bu davrda bilamizki, yoshlarning qoni 
qaynoq bo‘ladi. To o‘z yo‘lini topmaguncha o‘zini har 
ishga urib ko‘radi. Bunday kezlarda ota ham, ona ham 
bolani muntazam ravishda tergab, dakki beraverishi kerak 
emas. Nega? Chunki siz dilbandingizga gap uqtiraman, deb 
harchand urunmang bunday paytda sizning so‘zlaringizga 
quloq solmaydi. O‘zimniki to‘g‘ri, deb biladi. Uning 
qiziqishlariga e’tibor bering va shu yo‘lda yo‘l-yo‘riq 
ko‘rsating. Siz o‘zingiz o‘ylagan kasb-korni bolangizga 
loyiq ko‘rsangiz buni inobatga olmaydi. Majburlab uni o‘z 
izmingizga solgan taqdiringizda ham siz aytayotgan kasbda 
u chin dildan mehnat qila olmaydi.
Bu kezlarda o‘spirin juda qaysar bo‘ladi va o‘zini tutib 
olishi juda qiyin kechadi. Agarda bolaning qo‘liga qur’on 
tutqazib yoshligidan shunga o‘rgatsak, shuning o‘zi unga 
hidoyat mayog‘i, hayot dasturil amali bo‘lishi balki tillarini 
bezab, xotiralarini sayqallab turadigan eng ulug‘ kuch 
bo‘ladi, inshaalloh.

---

55
Dilga tashrif
Iv bob
Qur’onning ahamiyati
Mo‘min kishi hamisha Qur’onga oshino bo‘l mog‘i 
lozim. Shundagina u bilan dilini tozalab tilini bezaydi. 
O‘tgan hayoti, dunyosidagi gunohlari uchun tavba qiladi. 
Qur’on haqiqat yo‘lidir ana shu haqiqat yo‘lida ketayotgan 
yigit atrofdagilarga haqni targ‘ib va da’vat etib yashaydi.
Qur’on o‘qiguvchi qori yigitning so‘zlariga jon 
qulog‘imiz bilan tinglaymiz va uning aytganlarini ama-
liyotga tadbiq etamiz. Nega? Chunki u haq ni so‘zlaydi, 
haqdan qochishni emas, hamisha haqiqatga tik boqib 
yashashni o‘rgatadi.
Inson hamisha mana shu savolni o‘ziga qayta va 
qayta berib, uning javoblarini izlab yashashi kerak. 
Men bu hayotda nima qildim? O‘zgalar uchun foydam 
tegayaptimi? Maqsadim nimalardan iborat? Halol yashay
olayapmanmi? Yoki harom ishlardan tiyila olayapmanmi? 
Bu kabi savollarga albatta javob izlash uchun Qur’onning 
har bir sura va oyat, tafsirlarini ko‘zdan kechirmog‘imiz 
lozim. Shundagina halol-u haromning farqiga boramiz. 
Ushbu savollarimizga javob izlash bilan bir qatorda, saodat 
saroyining kalitini qo‘limizga olgan bo‘lamiz. Saodat 
saro yining kaliti bu Qur’on ekan, keling, shuning uchun 
barchamiz Qur’on o‘qimoqlikka shoshilaylik. 
Shayx Oiz 
Al-Qorniy aytadilar