|
1
Dilga tashrif
Qoʻlingizdagi kitobdan «Ey kitobxonlar, kitobxonlar, sizlarning
qalbingizga faqat soʻz orqali kirgim kelar…» – deya oʻzining
ovozi, soʻzi bilan adabiyot olamiga dadil kirib kelayotgan
yosh ijodkor Ibrohim Rixsiboyevning sara asarlari joy olgan
«Poytaxt exclisive» nashriyoti
Toshkent – 2022
DILGA TASHRIF
IbrohIm rIxsIboyev
(Ko‘ngilga ko‘chgan so‘zlar)
2
Ibrohim Rixsiboyev
Aziz o‘quvchi, mendan sizga qolari ne? O‘qil gan kitoblarning
xulosasi va albatta – kechirilgan hayot ning jindakkina tajribasidir.
Bu yerda yozilgan fikrlarimni kimlargadir aytib xodimingiz yengil
tortgan, aytilmaganlari bo‘lsa dilga tugub qog‘ozga tushirgan.
Vaqti-soati kelib Alloh nasib etgan ekansiz azizlarga ushbu kitobini
taqdim etmoqdaman. Kitobdan manfaat topsangiz Xoliqdan, xato
topsangiz kaminagizdan deb biling.
rixsiboyev, Ibrohim
Dilga tashrif [mant]: hikoyalar, qatra, maqola, ma’rifiy risolalar,
/ I. Rixsiboyev. – Т.: «Poytaxt exclusive» nashriyoti, 2022. – 220 b.
ISBN 978-9943-
© I. rixsiboyev, 2022
© «Poytaxt exclusive» nashriyoti, 2022
ISBN
978-9943
UO‘К
КBК
UO‘К
КBК
3
Dilga tashrif
KOʻNGIL BILAN SOʻZLASHISH
Qoʻlingizdagi kitobdan «Ey kitobxonlar – kitob xonlar,
sizlarning qalbingizga faqat soʻz orqali kirgim kelar…»
– deya oʻzining ovozi, soʻzi bilan adabiyot olamiga dadil
kirib kelayotgan yosh ijodkor Ibrohim Rixsiboyevning ilk
mashqlari joy olgan.
Ibrohim aka bilan bundan bir necha yillar oldin
tanishganmiz. Adashmasam, 2019-yili «Sevimli» tele-
kanalida noyob isteʼdod egasi, Oʻzbekiston Qahramoni,
O‘zbekiston xalq shoiri Abdulla Oripov haqida «Es-
lab-eslab» koʻrsatuvi suratga olinadigan boʻldi. Ulugʻ
shoirning sheʼriyatiga boʻlgan muhabbatim va hurmatim
tufayli koʻrsatuvga borishga qaror qildim. Shoirning
yaqinlari, oila aʼzolari va muxlislari bir joyga yigʻildi.
Mazmunli suhbat boʻldi, Abdulla Oripov xotirlandi.
Gapning indallosini aytsam, oʻsha kuni Ibrohim Rix-
siboyev ham shu koʻrsatuvda ishtirok etgan ekan. Men
garchi Ibrohim akaning shundoqqina yonginasida oʻtirgan
bo‘lsamda e’tiborsizligim ... hayajon sabab payqamabman.
U paytlarda Ibrohim Rixsiboyev «Tong yulduzi» gazetasi
va «Gulxan» jurnalidagi maqolalari orqali oʻquvchi –
mushtariylar nazariga tushib qolgandi. Men ham Ibrohim
akaning maqolalarini oʻqib, havas bilan oʻzimga-oʻzim:
4
Ibrohim Rixsiboyev
«eh, nega shunday gʻoyalar, maqola uchun mavzular
mening hayolimga kelmaydi-a?» – deb qoʻyardim.
Toʻgʻrisi, Ibrohim Rixsiboyevni tanimasdim. Ha rost,
qanday qilib deysizmi? Ibrohimjon akaning dolzarb
mavzudagi maqolalarini gazetada oʻqirdimu, muallif
ismini eslab qolmasdim. Aksiga olib, Ibrohimjon akaning
matbuotdagi chiqishlarida suratlari berilmasdi. Shu sababli
Abdulla Oripovning xotira kechasida yonma-yon oʻtirgan
boʻlsakda, men maqolalarini yaxshi koʻrib oʻqiydigan, tan
beradigan muallif oldida oʻtirganimni bilmasdim.
Oʻsha voqeadan koʻp vaqt oʻtmay, tanishib ham oldik.
Ilk musohabadayoq Ibrohim Rixsiboyevning dunyo qarashi
kengligi, oʻzining soʻziga, fikriga ega ekanligi, shijoati
va vatanga boʻlgan muhabbati meni lol qoldirdi. Borgan
sari menda Ibrohim aka bilan koʻproq suhbatlashish, fikr
almashish ishtiyoqi oshib borardi. Uning oʻtkir nigohi
boshqalar koʻrolmagan narsalarni ham ilgʻab olardi.
Haqiqat uchun kuyib-yonishi, yoshlarning vaqt larini
besamar oʻtkazayotgani, ota-onaga boʻl gan hurmatning
qadrsizlanib borayotgani, yosh lar orasida ham, kattalar
orasida ham kitob mutolaasiga boʻlgan ishtiyoq soʻnib
borayotgani kabi muammolarni oʻylab, turli yechimlar
topishga harakatlarini-ku eʼtirof etmaslikning iloji yoʻq.
Iltimosimga koʻra, «Dilga tashrif», «Yigitning qalbi-
da iymon» deb nomlangan risolalarini oʻqish uchun
berdilar. Bu ikki asarni oʻqib olam-olam taassurot oldim.
Men hayojon bilan Ibrohim akaga: – bu materiallarni
oʻqirmanlarga taqdim qilish harakatini boshlang, – dedim.
«Saboq» loyihasi doirasida risolalarni birinchilardan boʻlib,
5
Dilga tashrif
ijtimoiy tarmoqlarda yoyladik. Natija kutgandan ham
aʼlo boʻldi. Bu ikki asar oʻqirmanlar tomonidan iliq kutib
olindi. Oradan koʻp vaqt oʻtmay Ibrohim Rixsiboyevdan:
«Yangisidan bormi?» – deb tez-tez soʻraydigan boʻldim.
Shu orada «Qaydasan, adolat manzili?» nomli maqola
dunyo yuzini koʻrdi. Bu maqola ham ancha shov-shuv
boʻldi. Oradan koʻp oʻtmay «Oila davrasida» gazetasida
bosildi. Shu tariqa ikkimiz oʻrtamizdagi ijodiy hamkorlik
qizigandan qizidi. Mana shu zayil toʻplamni tayyorlash
harakatiga tushdik.
Bir qarashda asar ancha sodda tilda yozilgandek, joʻn
bir yoʻsinda bayon etilgandek tuyiladi. Ammo mana shu
soddalik zamirida jiddiy muammolar, eʼtibor berishimiz,
amal qilishimiz lozim boʻlgan tugunlar bor. Masalan
«Dilga tashrif yohud koʻngilga koʻchgan soʻzlar»ni olaylik.
Yoshu qari birdek oʻqishi lozim boʻlgan asar. Bu asardan
har toifa vakili oʻziga kerakli xulosani oladi. Har bir toifa
vakili kitobni oʻqiy turib oʻzini koʻradi. (Kitobni o‘qibgina
amin bo‘lasiz).
Bir soʻz bilan aytganda, toʻplamga kiritilgan asarlarni
oʻqib, koʻngil bilan soʻzlashasiz. Ibrohim Rixsiboyevdek
yosh ijodkorlar oʻzbek adabiyotining kelajagini yaratishiga
shubha yoʻq. Kelajagi porloq yozuvchimizning birinchi
kitobi chop etilgani bilan qutlab, ijodiy parvozlar tilayman.
Do'stlaringiz bilan baham: | 
