«Poytaxt exclisive» nashriyoti Toshkent – 2022

* * *
Haqiqatni tarannum etib, o‘zimizni komil insonga 
aylantiramiz.
* * *
Azizlar, hayot shundoq ham besh kunlikdir. Mana 
shu besh kunlik hayotimizdagi mashaqqatlarga chidab, 
haqiqatni sabr ila quchaylik. Zero Alloh, albatta bizni bu 
sabrimiz tufayli jannati bilan mukofotlaydi.
* * *
Haqiqatni hassaga o‘xshataman. Unga tayanib ish 
boshlansa albatta, o‘z natijasini beradi. 
 
Harakat
Hayot ham dengiz kabidir. Unda faqat intilib, kuchli 
harakat bilan suza olgan insongina quruqlikka chiqa oladi.

---

15
Dilga tashrif
Pul
Alloh Taolo bu dunyoda pulni nega mavjud qildi?
Insof, diyonat, oqibatni unutib, birovning qadr-qimmatini 
pul bilan o‘lchashimiz uchunmi? Ha, hayotimizda mana 
shunday osiy bandalar ham bor. Alloh o‘zi ularning qalbiga 
hidoyat urug‘ini sochsin, o‘zi insof bersin. Axir pulni 
zakot, fidya, ehson va birovlarning og‘irini yengil qilish 
uchun yaratmadimi?
* * *
Pul biz uchun yo dushman, yo do‘st bo‘ladi. Dushmanligi 
uni aysh ishrat, kayf-u safoga, ishlatishimizdir. Do‘stligi 
uni muhtoj insonlarga, ilm yo‘lida, masjid qurish uchun 
sarflashimizdir. U dunyoimizda bizni panoh qiluvchi 
ezgulik yo‘lida sarflagan pullarimizdir.
* * * 
Bir mebel ustasi shogirdi bilan mijozining uyida mebel 
o‘rnatayotgan edi. Shogird erinchoqlik qi lib, mebelning 
ichki tomonini artmasam bo‘lmaydimi ustoz, debdi. Usta, 
shogirdining gaplaridan ranjib, unda sening haq qing ni ham 
yarmini bersam bo‘lmaydimi? – debdi. 
– E ustoz, qancha mehnat bilan to‘playapman-ku, bu 
pullarni! – debdi erinchoq shogird. 
– Mebelning egasi ham shuni olish uchun qancha ishlab 
peshonasi terga botib pul to‘plagan. Agar sen bu ishingni 
chala qilsang, uning shuncha mehnatini bir pul qilasan! – 
degan ekan ustoz. 

---

16
Ibrohim Rixsiboyev