|
5
Биринши тараў
ЛЕНИН КЛУБЫНДА
1
Хор
Турғыл, қарындасым, жатпа муңайып,
Турсаң, жарық жолға алып бараман.
Тур, еркин жолларда қәдем урайық.
Журсең жарық жолға алып бараман.
Кӛп ўақ жылан шақты бизди,
Енди азатпыз, халайық.
Кел, қурдаслар, бахтымызды,
Бизлер кҥтип алайық.
Октябрь қуяшы жақтыртты жолды,
Ҳәмме азатлыққа талабан болды,
Тҥргел, ески жолда тек те сен қалдың.
Турсаң таза жолға алып бараман.
Әкең сатты байдың қызып малына,
Бай залым жетпеди арзы-ҳалыңа,
Бул жолда қарайды ким обалыңа?
Жҥргил, жақты жолға алып бараман.
Б а ғ ж а н
Рахмет, Әбдираман, ҳәр сӛзиң дҥрдей,
Жҥректи толқытар тыңласаң бирдей.
Еле қәпестеги қуслар аз емес.
Алсын олардағы еркинлик нәфес.
6
К ӛ п ш и л и к
Бағжан дурыс айтады, қосыламыз биз де,
Рахмет, Әбдираман, рахмет сизге.
Ә б д и р а м а н
Билемен, гирбиң жоқ бул сӛзиңизде,
Сӛйтсе де, адамды мақтамаң кӛзге.
Қосық - бул ӛмирдиң мәңги жолдасы,
Ол - дәрья, жҥректен алар сағасын ...
Мына жаңа бәҳәр, азатлық заман.
Биз тахтын аўдардық патшаның, ханның,
Ескилик—ордасы еди жыланның,
Ордасы бузылған жыланлар бирақ
Еле дем шекпекте артына қарап.
Жылан ким? Ол суўық тек кӛрер кӛзге,
Жат-жамай
1
қасында жылан да сӛз бе?
Жыланнан кӛп есе кҥшлн каҳәри,
Жылан зәҳәринен ӛткир зәҳәри.
Жылан—бир кесеклик, басқа не қылар?
Жат-жамай қаныңды теспестен сорар.
Темирдей соққысынан аўдарыспақтың
2
Олар жер қабынып, жутпақта заққым.
Бирақ олар берилмес жығылған менен.
Нақыл бар: «мантыққан тал қармар» деген.
Салын ийрим тартқан жаўлар бул ўақта,
Жандалбасы менен қармаланбақта.
Жолатпа оларға қутқарыў кемесин.
Тек тынбай ура бер, жыйдырма есин.
1
Жат-жамай – класс душпаны.
2
Аўдарыспақ – революция мәнисинде (отызыншы
жыллардың термини И.Ю.)
7
Кимниң тиси шықса ҳадал мийнеттен,
Бул әдил турмыстан қалмасын шетте,
Егер ким излесе халықтың бахытын,
Ӛзин бул гҥреске арнасын пҥтин.
Қатнассын кҥш, жигер, уқыбы менен,
Я билим, я қәлем, мылтығы менен;
Я жаў сырын кӛргиш кӛзлери менен,
Большевикше иси, сӛзлери менен.
Шайыр қосығы, бақсы намасы менен.
Ал, артистлер? ...
К ӛ п ш и л и к
... гҥрес сахнасы менен.
Ә б д и р а м а н
Демек, солай болса, умытпаң онда:
Жақында шығасыз сиз каникульға.
Ҥйли-ҥйиңизге тарқалмаң, бирақ,
Биз ойын қоямыз елди аралап.
К ӛ п ш и л и к
Биз таяр, барамыз ҳеш сепсиместен.
Б и р қ ы з
Тек те мен барыўға таяр емеспен.
К ӛ п ш и л и к
(
таңырқап
)
Сен - бизиң бағымыздың ғошшак бҥлбили,
8
Сәнли сахнамыздың ең сулыў гҥли, -
Бул сӛзиң дурыс емес, не болды саған,
Неге бара алмайсаң, айтшы, Арыўхан?
А р ы ў х а н
Гастрольға жан деп бара алар едим,
Журт кӛрип, мен де ел аралар едим;
Әттең, бара алмайман, сиз айып кӛрмең,
Бҥлбил ӛзлигинен бардан безер ме?
Мениң туўған әкем қаттылаў адам,
Каникульда бармасам бақырар маған ...
Басқа сӛз айтпады, тек усылай деп,
Жупқа орамалдың бир ушын тислеп,
Ҳеш бир тәўеллеге қулақ салмастан,
Ҥнсиз шығып кетти сыртқа Арыўхан.
Кӛпшилик таңланды изинен қарап,
Қызлар «Арыўхан» деп жуўырды. Бирақ,
Бағжан жолды тосып, иркип оларды,
Айтты кӛпшиликке мына хабарды:
Б а ғ ж а н
Мҥмкин қатты қоллы шығар атасы,
Бирақ, бул, - мениңше жай баҳанасы,
Буннан он кҥн бурын кӛрдим бир аўҳал:
Сабақтан шықтық биз тҥс аўған мәҳәл.
Ҳәм тез аўқатланып жатақханадан,
Жуўырдық екеўмиз клубқа таман,
Жолымызды тосты бир файтон арба,
Бир қағаз бар файтоншының қолында.
Ақырында Арыўхан файтонға миңди ...
Досларым, аржағын билмеймен енди.
9
Кеште жатақ жайға келсем клубтан,
Китап оқып отыр екен Арыўхан,
Соннан бери китаптан бас кӛтермес,
Ақшам уйықлай алмас, жадырап кҥлмес,
Жалынсам да «айт» деп ҳәр кҥн сайын мен,
Сабақ тарта алмадым сыр келебинен.
Ж и г и т
Билсем, бул ҳәдийсе тегин емес ҳеш.
Қ ы з
Ий, әдира қалсын, бузылды десеш ...
Ә б д и р а м а н
Қарындасым, неге олай дейсең сен?
Бузыла бере ме файтонға минген?
Дос адам ӛлшемей сырттан тон пишпес,
Сҥринсең, сӛз ертип, изиңе тҥспес.
Қайта, оның сырын билиңлер қәне.
Қолдан келсе дәрман бериң дәртине.
К ӛ п ш и л и к
Аўа, билиў керек бул сырды тезден.
Ә б д и р а м а н
Қыз кеўли - ақ сандық. Гилтин теңизден,
Сҥңгип тапқан ашар ...
Ж и г и т
10
Сҥңгир едим мен ...
Бул әжеп ис екен не деген менен.
(
Жигит жуўырып шығып кетеди
)
Do'stlaringiz bilan baham: |
