3.Sifatni ta’minlash tizimlarini sertifikatlashtirish 9000 seriyali ISO standartiga mos keluvchi sifatni ta’minlash tizimlarini sertifikatlashtirish chet mamlakatlarida keng rivojlangan hisoblansa, ayni paytda Rossiya oxirgi 2 yil mobaynida bu muammoga jiddiy e’tibor berilmokda. Balki, bunday ortda qolishning sabablaridan biri maxalliy ishlab chiqarish sur’ati tushib ketganligi va ishlab turgan korxonalarning o‘z mahsulotlarni eksportga chiqarishga bo‘sh yo‘nalganligidir. Hozirgi kunda Rossiyaning juda oz miqdordagi ishlab chiqarish korxonalari sifat tizimlarini sertifikatlashtirish ahamiyati va zarurligi anglatadilar xolos. Faqat bir necha o‘n Rossiya korxonalari sifat tizimlari bo‘yicha sertifikatga egadirlar. CHet elda esa bir necha o‘n minglab firmalar va korxonalar shunday sertifikatlarga ega.
CHet el mutaxasislari sifatni ta’minlash tizimiga mos keluvchi sertifikat firmaga juda katta yutuq va ustunlik beradi deb hisoblaydilar. U biznes bo‘yicha sherikning ishonchliligini, shuningdek sifat tizimi sertifikatlashtirilgan firmalarga bajonidil kredit beruvchi banklar bilan aloqada ishonchlilikni ta’minlaydi. Sifat tizimiga sertifikat - mahsulot etkazib berish shartnomasini tuzishda asosiy omillardan biri bo‘lib, G‘arb ekspertlarining fikricha, yaqin kelajakda Evropa bozorlarida 95% gacha shartnomalar mahsulot etkazib beruvchi firmada sifat tizimi sertifikati bo‘lgandagina tuzilishi ko‘zda tutilmoqda. Sifatsiz mahsulot bilan bog‘liq bo‘lgan sud da’volari vujudga kelganda, tizim sertifikati sud tomonidan firmaning aybsizligini isboti sifatida baholanadi. Sifat tizimiga sertifikatning mavjudligi turli xil tenderlarda ishtirok etish uchun zaruriy shart bo‘ladi. Sifat tizimini sertifikatlashtirish firmaning (korxonaning) ichki ishlarida ham ijobiy ta’sir ko‘rsatadi: sifat tizimini sertifikatlashtirishga tayyorgarlik jarayonida ishlab chiqish va korxonani boshqarishni tartibga solib bozor iqtisodiyotiga mos kelishi uchun zamin yaratiladi, mahsulotni sertifikatlashtirish ishlari engillashadi.
Sertifikatlashtirilgan sifat tizimi korxonani kerakli mahsulotni bir tekisda ishlab chiqarish qobiliyatini xarakterlaydi va firmani ham ichki, ham tashqi bozorlarda raqobatbardoshligining muhim omillari deb qarash mumkin. Endilikda o‘z mahsulotlarini eksport qilishni rejalashtirgan mahalliy korxonalar uchun sifat tizimini sertifikatlashtirsh – shartnoma tuzish va mahsulotni munosib sotish imkoniyatlarini belgilovchi muhim shart hisoblanadigan alohida bir atmosfera vujudga kelmoqda. Hozirgi vaqtda shunday muammoga duch kelgan korxonalar kam emas. Achinarlisi shuki, chet el strukturalari bilan kontraktlar tuzish borasidagi bo‘lgan muzokaralarda, sifat tizimiga sertifikatning mavjud emasligi shartnoma tuzmokchi bo‘lgan korxona uchun ko‘zlangan imkoniyat doirasida qoniqarli bo‘lmagan holda yakunlanishi mumkin.
Rossiyada bozor munosabatlarining rivojlanishi, shuningdek uning tashqi iqtisodiy vazifalari, RF Davstandartini 1995 yilda RF da sifat tizimlarini sertifikatlashtirishni rivojlantirish bo‘yicha ishlar dasturini qabul qilishga rag‘batlantirdi. Bu dasturga mos ravishda «Sifat tizimlarini registri» deb ataluvchi «Sifat tizimlarini va ishlab chiqarishni sertifikatlashtirsh tizimi» ishlab chiqilgan va qabul qilindi. Bu ko‘ngilli sertifikatlashtirish tizimidir, ammo u, ma’lum bo‘lgan majburiy sertifikatlashtirish tizimini o‘zida namoyish etgan davlat Rossiya GOST RF tizimininig bir qismini tashkil etadi. RF uchun yangi bo‘lgan kungilli tizimni GOST R. tizimiga kirish haqidagi Qarori qabul qilingan va GOST R. tizimini Rossiyada va uning setifikat va mos kelish belgisi e’tiborga ega bo‘lib borayotgan chet davlatlarida ma’lumligiga asoslangan. Tasodif emaski sifat tizimi registrli mos kelish belgisi GOST R. tizimi belgisidan faqat belgi oldida «Registr» yozuvi va belgi tagida ISO standarti nomerini ko‘rsatish bilan farqlanadi.
Bularning barchasi sifat tizimlariga beriladigan Rossiya sertifikatlarini RF da va chet elda tanilishini tezlashtirishga yo‘naltirilgan.
