3-rasm. O‘zbekistonda pensiya va ijtimoiy nafaqalarga qaratilgan ijtimoiy himoya yo‘nalishlari
Ijtimoiy himoyaning ijtimoiy ta’minot tizimi va aholining muhtoj, kam ta’minlangan qismlariga pensiyalar, nafaqalar, turli xil imtiyozlar berish yo‘nalishi, o‘z navbatida, jamg‘arib boriladigan pensiya tizimini ham qamrab oladi. Jamg‘arib boriladigan pensiya tizimining zarurligi keksalarga moddiy yordam berish ehtiyoji bilan bog‘liq. Shu bois jamg‘arib boriladigan pensiya tizimi mablag‘larini ko‘paytirish va ushbu tizimning moliyaviy barqarorligini ta’minlash muhim vazifadir. Jamg‘arib boriladigan pensiya tizimi ishtirokchilari, asosan, ish bilan band aholi ekanligini inobatga oladigan bo‘lsak mamlakatimizda bandlik muammosini hal etishda tobora muhim o‘rin tutayotgan kichik biznes va xususiy tadbirkorlikni jadal rivojlantirish, rag‘batlantirish va qo‘llab-quvvatlashga alohida e’tibor qaratish zarur.
Do'stlaringiz bilan baham: |