Pegasus жосуслик дастури. Дунё бўйлаб махсус хизматлар телефонларни сездирмай кузатгани айтилмоқда

5. Шер Муҳаммад Аббос Станикзай
Фото: Александр Земляниченко / AP
1963 йилда Логар вилоятида туғилган. Сиёсатшунослик бўйича магистр даражасини олган, 1970-йилларда афғон армиясида хизмат ўтаган. The Hindustan Times нашрининг ёзишича, афғон армияси билан қўшма дастур доирасида Ҳиндистон ҳарбий армиясида таълим олган, аммо 1980-йилларда армияни тарк этиб, советларга қарши курашган мужоҳидларга қўшилган.
Толибларнинг бошқаруви даврида аввал ташқи ишлар вазири ўринбосари, кейин соғлиқни сақлаш вазири бўлган. Мулла Умар Қандаҳорни марказга айлантириб, ҳаракатни бошқаришга ўтгач, Станикзай хорижий делегациялар билан учрашувларга ва инглиз тилида интервьюлар бериш учун юборилган. 2015 йилдан Доҳадаги офисни бошқаришга киришган.
Сўнгги йилларда толибларнинг Москва, Ўзбекистон ва Индонезияга делегацияларига раҳбарлик қилган. Янги ҳукуматда ташқи ишлар вазири лавозимини эгаллаши мумкин.
6. Абдулҳаким Ҳаққоний
Фото: Afghan Islamic Press
Таниқли диний уламо, ҳаракат раҳбари Ҳайбатуллоҳ Охунзоданинг тенгдоши ва унинг яқин сафдоши. Қандаҳорда туғилган, ҳозирда 54 ёшда. У ҳам ҳеч қачон дала қўмондони бўлмаган. Покистондаги Дорул-улум-Ҳаққония мадрасасини тамомлаган.
2020 йил сентябридан буён толибларнинг Доҳадаги ваколатхонасига раҳбарлик қилиб келади - у бу лавозимда Станикзайнинг ўрнини эгаллаган. Унгача кўп йиллар мобайнида толибларнинг норасмий пойтахти ҳисобланган Кветтада (Покистон ҳукумати буни рад этиб келади) яшаган. Бу ерда нуфузли уламолар кенгашига ҳамда асосан Афғонистондан келувчилар таҳсил олувчи мадрасага раҳбарлик қилган.
У толиблар бошқаруви даврида Қандаҳор суди ҳаками бўлган. Беш йил муқаддам суд ишлари бўйича бошлиқ этиб тайинланган, шундан сўнг кўплаб фатволар чиқарган. Юридик ва диний масалалар билимдони ҳисобланади, Охунзоданинг ишончига сазовор бўлган.
Қатор экспертларнинг прогнозларига кўра у Афғонистонинг янги ҳукуматида шариат судларини бошқариши кутилмоқда.