“Педагогика” фанини ўқитиш бўйича ўқув-услубий мажмуа

2. “Асалари галаси” методи ўрганилаётган мавзу бўйича танланган муаммонинг аудиторияда умумий ёки талабаларни кичик гуруҳларга бириктирган ҳолда таҳлил қилинишига ёрдам беради. Методни қўллашда кичик гуруҳларга бериладиган топшириқлар бир хил ёки турлича бўлиши мумкин. Гуруҳларга берилган топшириқ муайян муддат ичида муҳокама қилиниб, натижага барчага маълум қилинади. Машғулот сўнггида масаланинг энг мақбул ечими танлаб олинади.


3. “Лойиҳалаш” методи талабалар томонидан индивидуал, гуруҳ ёки жамоа тарзида аниқ белгиланган вақт оралиғида ўрганилаётган мавзу бўйича ахборотларни йиғиш ва тадқиқ қилишга хизмат қилади. Машғулотларда мазкур методдан фойдаланиш талабаларда режалаштириш, қарор қабул қилиш, фаолиятни амалга ошириш, маълумотларни қайта текшириш, мавжуд маълумотларга таянган ҳолда хулоса чиқариш ҳамда натижаларни баҳолаш кўникмаларининг шаклланишига ёрдам беради.
Методни қўллаш вақтида талабалар мавзу бўйича янги лойиҳаларни ярата олишлари лозим. Лойиҳаларни яратишда таклиф этилган жараённинг моҳияти қисқа, аниқ фикр ҳамда белги, тавирлар ёрдамида ифодаланиши зарур.
Методнинг дидактик имкониятлари қуйидагилар билан белгиланади:
1) ўқувчиларда мустақил фикрлаш қобилиятини шакллантиради, ривожлантиради;
2) уларда мавзуларни мустақил ўрганиш эҳтиёжини қарор топтиради;
3) ўқувчиларнинг ҳамкорликда ишлаш кўникмаларига эга бўлишларига ёрдам беради.
8-мавзу: Ўқувчилар жамоаси – ягона педагогик
жараённинг асосий шакли
Машғулот учун материаллар


I. Талабалар учун топшириқ.
Ўқувчилар жамоаси ва шахсни жамоада шакллантириш жараёнининг моҳиятини ёритинг.
Бу ўринда “Қорбўрои” методи ёрдамида талабалар икки гуруҳга бўлинган ҳолда ўқувчилар жамоаси ва шахсни жамоада шакллантиришга оид билимларга эгаликларини намойиш қиладилар. Талабалардан иборат икки гуруҳ ўқувчилар жамоасининг ўзига хос хусусиятларини ёритиш; шахсни жамоада шакллантириш жараёнининг моҳияти юзасидан энг кўп маълумотларни бериш бўйича мусобақалашадилар. Гуруҳларнинг эътиборларига қуйидаги саволлар ҳавола қилинади:
1. Ўқувчилар жамоасининг ўзига хос хусусиятларини ёритинг.
2. Шахсни жамоада шакллантириш жараёнининг моҳияти тўғрисида маълумотлар беринг.