“Педагогика” фанини ўқитиш бўйича ўқув-услубий мажмуа

Ўқув фаолияти натижалари:
1) ўқувчилар жамоаси ва шахсни жамоада шакллантиришга оид билимларга эгаликларини намойиш этадилар;
2) жамоани шакллантириш босқичларининг моҳиятини ўзлаштирганликларини кўрсатадилар;
3) жамоа билан ишлаш лойиҳасини туза олиш кўникмасига эгаликларини намойиш қиладилар;
4) ўқувчилар жамоаси олдига педагогик талаблар қўйиш кўникмаларига эгаликларини кўрсатадилар;
5) мавзу юзасидан мавжуд билимларини намойиш этадилар

3-босқич. Якуний қисм (10 дақиқа)

1. Талабаларнинг машғулотлардаги иштирокларини таҳлил қилади ва баҳолайди. 2. Машғулот мақсадига қай даражада эришилганликни хулосалайди. 3. Талабаларнинг машғулот юзасидан фикрлари билан танишади. 4. Навбатдаги семинар машғулоти мавзусини эълон қилади, талабаларга мустақил ишлаш учун топшириқ беради, уларни топшириқни баҳолашга оид мезонлари билан таништиради

1. Машғулотдаги иштироклари даражасидан хабардор бўладилар. 2. Машғулот мақсадига эришишдаги шахсий иштирокларини баҳолайдилар.. 3. Машғулотнинг ташкил этилиши юзасидан фикр билдирадилар.. 4. Навбатдаги семинар мавзусидан хабардор бўладилар ва ўқитувчи томонидан берилган топшириқни ёзиб оладилар

Машғулотда қўлланиладиган метод ва технологиялар моҳияти


1. “Қорбўрон” методи машғулотни ўзаро мусобақа кўринишида ташкил этилишини таъминлайди. Методни қўллаш жараёнида талабалар мавзу юзасидан тезкор, асосли, тўғри фикрлай олишлари лозим. Мазкур методни қўллаш қуйидаги тарзда кечади: 1) талабаларга муҳокама учун танланган мавзу (масала) эълон қилинади; 2) талабалар “Қорбўрон” методининг моҳияти ва шартлари билан таништириладилар; 3) талабалар икки гуруҳга ажратиладилар; 4) ўқитувчи мавзу юзасидан тузилган саволларни талабаларнинг эътиборларига ҳавола қилади; 5) ҳар икки гуруҳ талабалари берилган саволга биринчи бўлиб, тўғри жавоб топишга ҳаракат қилишлари лозим; 6) гуруҳларнинг ҳар бир тўғри жавоби юмолоқланган қор кўринишида уларнинг ҳисобига ёзув тахтасида ёзиб борилади; 7) барча саволлар бериб бўлингач, гуруҳлар томонидан тўпланган баллар умумлаштирилади ва ғолиб жамоа (гуруҳ) аниқланади.