“Педагогика” фанини ўқитиш бўйича ўқув-услубий мажмуа

4. “Ижодий иш” методи талабаларни ижодий фаолликка ундаш орқали уларда ўзлаштирилган назарий билимлар асосида мавзу моҳиятини ёритиш, янгича талқин қилиш кўникмаларини шакллантиришга хизмат қилади. Мазкур методни қўллаш жараёнида талабаларнинг эркиниги таъминланади, мустақил фикрлашлари учун имконият яратилади. Улар мавжуд билимларига таянган ҳолда ўрганилаётган мавзу моҳиятини очиб берадилар. Ягона талаб талабалар мантиқан тўғри фикрлай олишлари, шахсий мулоҳазаларини далиллар билан исботлай билишлари лозим.
5. “Кластер” (“кластер” – ғунча, тўплам, боғлам) методи пухта ўйланган стратегия бўлиб, ундан ўқувчилар билан якка тартибда ёки гуруҳ асосида ташкил этиладиган машғулотлар жараёнида фойдаланиш мумкин. Метод гуруҳ асосида ташкил этилаётган машғулотларда ўқувчилар томонидан билдирилаётган ғояларнинг мажмуи тарзида намоён бўлади. Бу эса илгари сурилган ғояларни умумлаштириш ва улар ўртасидаги алоқаларни топиш имкониятини яратади.
Ушбу методидан фойдаланишда қуйидаги шартларга риоя қилиш талаб этилади:
1. Ниманики ўйланган бўлсангиз, шуни қоғозга ёзинг. Фикрингизнинг сифати тўғрисида ўйлаб ўтирмай, уларни шунчаки ёзиб боринг.
2. Ёзувингизнинг орфографияси ёки бошқа жиҳатларига эътибор берманг.
3. Белгиланган вақт ниҳоясига етмагунича, ёзишдан тўхтаманг. Агар маълум муддат бирор бир ғояни ўйлай олмасангиз, у ҳолда қоғозга бирор нарсанинг расмини чиза бошланг. Бу ҳаракатни янги ғоя туғилгунига қадар давом эттиринг.
4. Муайян тушунча доирасида имкон қадар кыпроқ янги ғояларни илгари суриш ҳамда мазкур ғоялар ўртасидаги ўзаро алоқадорлик ва боғлиқликни кўрсатишга ҳаракат қилинг. Ғоялар йиғиндисининг сифати ва улар ўртасидаги алоқаларни кўрсатишни чекламанг.
Ушбу метод ёрдамида талабалар топшириқ юзасидан фикрларини кластер (майда, алоҳида қисмлар) тарзида ифодалайдилар. Масалан, эстетик маданиятнинг таркибий элементларини кластер асосида қуйидагича ифодалаш мумкин:




6. “Тест” (инглизча “синов”, “текшириш”) технологияси шахснинг психофизиологик ва шахсий хусусиятлари, интеллектуал салоҳияти, қобилият, кўникма ва малакаларини текширишга хизмат қилади. Ушбу метод талабалар томонидан муайян мавзу мазмуни ёки фан асосларининг қай даражада ўзлаштирилганлигини аниқлашда самарали ҳисобланади. “Тест” технологияси қуйидагича қўлланилади: 1)