Pedagogika fanidan izohli lug’at. A avtomonitoring

Internet – ko’plab local va mintaqaviy kompyuterlar tarmoqlarini o’zaro bog’lovchi, birlashtiruvchi butun dunyo kompyuter tarmog’i.
Interfaol mashg’ulot – o’qituvchi va o’quvchilar o’zaro faol ishtirok etadigan mashg’ulot. Bunda jarayon o’zaro hamkorlikda kechadi.
Interfaol vositalar:

1. 
   Audio, video va electron anjumanlar;
   
2. 
   Ovozli yozuvli ikki tomonlama muloqot qila oladigan oddiy va yo’ldoshli aloqalar;
   
3. 
   Teleanjumanlar va shu kabilar.
   

Intuitsiya (oldindan sezish)- bu ilgaridan egallagan bilim va ma’lumotlarga asoslangan bilish jarayonidir.
Irsiyat – organizmning o’z belgilari va xususiyatlarini kelgusi avlodlarga o’tkazish, ya’ni organizmlarning o’ziga o’xshash nasllarni bunyod etish xossasi.
Ishchi o’quv dasturi – muayyan o’quv predmeti uchun namunaviy o’quv dasturi asosida ishlab chiqilgan va o’qitishning to’liq mazmunini ochib beruvchi hujjat.
Ishchi o’quv rejasi – muayyan ta’lim muassasasi uchun o’qitish jarayoninig calendar-taqvim tuzilmasini va bosqichlarini ifodalaydigan namunaviy o’quv rejasi asosida ishlab chiqilgan hujjat.
Y
Yo’riqnoma xarita – bu o’quv jarayonining asosiy vazifalaridan biri bo’lib, u o’qitishni algoritmik tarzda rejalashtirishga o’rgatish vositasidir.
K
Kasbiy bilim – aniq mehnat faoliyati doirasida bajariliadigan ishlar uchun zarur bo’lgan nazorat, bilim, amaliy malaka va ko’nikmalar birlashmasidir.
Kasbiy yo’nalganlik – shaxsning aniq bir faoliyat turiga bo’lgan qobiliyati, qiziqishlari, ehtiyoji va qat’iy ishonchi.
Kasbiy tayyorgarlik – maxsus nazariy bilim, amaliy ko’nikma va malakalar, shuningdek, ma’naviy-axloqiy, kasbiy sifatlarni o’zlashtirish asosida shaxsning muayyan kasbiy faoliyatni muvaffaqiyatli olib borishga nisbatan fiziologik, psixologik va jismoniy tayyorgarlik darajasi.
Kommunikativlik – bu o’qituvchining alohida xususiyati bo’lib, unda o’quvchilar va hamkasblari bilan o’zaro hamkorlik muloqoti nazarda tutiladi. Bunda pedagogik faoliyatning samaradorligi uning muloqotchanligiga bog’liq bo’ladi.
Kompitentlik – shaxsning o’zlashtirgan muayyan bilim, ko’nikma va tajribasini ijtimoiy-kasbiy sohadagi aniq vaziyatlardagi muammo va vazifalarni yechishga qodirlik darajasi, yaroqliyligi.
Konstruktivlik – (loyihalay olish qobiliyatiga egalik)- bu pedagogning shaxsiy faoliyati va tarbiya maqsadlarini hisobga olgan holdagi faolliklarini alohida loyihalashtirishni ko’zda tutadi.