Pedagogika fanidan izohli lug’at. A avtomonitoring

Ijtimoiy yo’nalganlik –ta’limda yangicha yo’nalganlik bo’lib, u insonga fuqaro sifatida, ijtimoiy va kasbiy uyishmalar a’zosi sifatida ijtimoiy mehnatga bo’lgan qobiliyatiga, fidoiyligiga, ma’suliyati va ma’lumotli bo’lish sifatiga qo’yilgan talablar.

Izohli lug’at –tartibga keltirilgan so’zlarning mazmunini izohlaydigan, har bir so’zning Grammatik, etimologik va stilistik tavsifi berilgan, ulardan amaliyotda foydalanishga oid misollar va boshqa ma’lumotlar kiritilgan, qo’shimcha adabiyot sifatida foydalaniladigan nashr.
Ilmiy daraja – muayyan fan sohasidagi mutaxassisning ilmiy malakasi darajasi.
Ilmiy ma’ruza –bu muayyan maqsadni ko’zlab tayyorlangan fan va texnika masalalarini yoritishga bag’ishlangan nashr.
Improvizatsiya – tayyorgarliksiz bayon etish (o’qituvchi tomonidan berilgan cavol va topshiriqlarga talabalarning tayyorgarliksiz javob berishi). Bunga “Aqliy hujum”-o’qituvchi tomonidan berilgan savollarga talabalarning birin-ketin javob berishlari.
Inversion ta’lim – ag’darish, joyini almashtirish, tafakkur tizimini shakllantirish yo’nalishidagi ta’lim.
Induktiv xulosalash – bu yakka yoki ayrim xulosalar asosida umumiy xulosani shakllantirish jarayoni.
Induksiya – lotincha induktio-to’g’rilash, tartibga keltirish, xususiy fikrlardan (tasdiqlardan) umumiy xulosalar chiqarishning tadqiqot usuli. Xususiy xulosalar orqali umumiy xulosa chiqarishga induksiya deyiladi.
Inklyuziv yo’nalish – o’qituvchi bilan o’quvchining o’zaro munosabatlarida tenglik asosida ta’lim-tarbiya jarayonini tashkil qilish.
Innovatsion ta’lim – bo’lajak mutaxassislarni yangicha joylarda ishlashga tayyolovchi jarayon bo’lib, u avval olgan bilimlar asosida ta’limni takomillashtirish va samarali yangicha yondashuv qilishdan iborat.
Innovatsiya – yangilanishni, o’zgarishni amalga joriy etish jarayoni va faoliyati (inglizcha innovatsiya- kiritilgan yangilik, ixtiro).
Intellakt – insonning umuman bilish faoliyati, fikrlash qobiliyati, tushunish, mulohaza, tafakkur, aql.