Педагогика 5111800 Мактабгача таълим

Ўқув машғулотининг мақсади: Таълимни ташкил этиш шаклллари тўғрисидаги билимларни шакллантириш.
Ўқув фаолиятининг натижаси: Талабаларга таълимни ташкил этиш шаклллари изоҳлаб берилди.


2-илова
Баҳолаш мезони ва кўрсаткичлари

Гуруҳлар	Саволнинг тўлиқ ва аниқ ёритилиши 0-5 балл	Мисоллар билан муаммога ечим топиши 0-5 балл	Гуруҳ аъзоларининг фаоллиги 0-5 балл	Жами балл

15 – 13 балл – «аъло».
12 – 10 балл – «яхши».
9 – 6 балл – «қониқарли».
3-илова
Болаларнинг ўқув фаолиятини ташкил этиш шакллари

Мактабгача ёшдаги болаларнинг ўқув фаолиятини ташкил этишнинг учта асосий шакли мавжуд: индивидуал, гуруҳли ва оммавий (фронтал). Болаларнинг ўқув фаолиятини ташкил этишнинг ҳар бир шакли дидактик мақсади, болаларнинг мустақиллик даражаси, жамоавий ва индивидуал ишга муносабати, педагогик раҳбарлик билан боғлиқликда ўзига хос хусусиятлари билан фарқланади.
Болаларнинг ўқув фаолиятини ташкил этишнинг индивидуал шакли ўзида бир қанча ижобий жиҳатларни акс эттиради: ўқув фаолияти мазмуни, методи ва суръатини тўла индивидуалаштириш имкониятининг мавжудлиги ҳамда аниқ бир масалани ҳал этишда таълим олувчининг ҳар бир ҳаракати ва операцияларини кузатиб боришга имкон бериши кабилар. Бироқ таълимнинг индивидуал шакли айрим камчиликларга ҳам эга: вақтнинг тежамли эмаслиги (бир гуруҳда йигирма нафар бола бўлса, педагог ҳар бири учун 20-25 минутдан вақт сарфлайди. Демак, педагог қарийб олти соат индивидуал ўқитиш билан шуғулланади); педагог таъсирининг чекланганлиги (педагогнинг вазифаси болага топшириқ бериш ва уни бажарилишини текширишдан иборат); бошқа болалар билан ҳамкорликда ишлаш имконияти чекланганлиги (бу ҳолат ижтимоийлашиши жараёнига салбий таъсир кўрсатади); жамоада ишлаш тажрибасининг шаклланмаслиги.