Педагогика 5111800 Мактабгача таълим

1-ўқув топшириқ

4-илова
ФСМУ технологияси

Жадвални тўлдиринг

Савол	Болаларнинг ўқув фаолиятини ташкил этиш шакллари
(Ф) Фикрингизни баён этинг
(С) Фикрингиз баёнига сабаб кўрсатинг
(М) Кўрсатган сабабингизни исботловчи далил келтиринг
(У) Фикрингизни умумлашти-ринг

5-илова
Машғулот – мактабгача таълимда ўқитишнинг асосий шакли

Машғулот тарбиячи раҳбарлигида ўтказилади, тарбиячи машғулотда болаларни янги билимлардан хабардор қилади, болалар эгаллаб олган билимларни эса аниқлаб, мустаҳкамлайди, болаларнинг амалий машғулотини ташкил этади.

Мактабгача таълим ёши гуруҳлари билан боғлиқликда машғулотларни амалга ошириш мақсадга мувофиқ. Кичик ёшдаги болалар билан олиб бориладиган машғулотларнинг мақсади болаларнинг нутқи ва ҳаракатини ривожлантириб боришдир. Катта ва тайёрлов гуруҳларидаги машғулотлар орқали болаларда ташаббускорлик ва мустақиллик, билимга қизиқувчанлик, фаол тафаккур қилиш, таққослаш, умумлаштириш, хулосалар чиқариш каби малакалар таркиб топтириб борилади. Болаларда кузатувчанлик, масъулият ҳисси такомиллаштириб борилади, уларда ақлий меҳнат қилиш малакаси ва хоҳиш-истаги тарбияланади.
Машғулотларда таълим бериш болалардан ақлий ва жисмоний зўр беришни талаб этади, яъни у боланинг фаол ҳаракатланиш билан боғлиқ бўлиб, бола маълум натижага эришиш учун интилади, бу эса боладан узоқ давомли ихтиёрий диққатни талаб этади. Шунинг учун машғулотга тайёрланишда боланинг ёши, имкониятини эътиборга олиш зарур. Шунингдек, машғулотнинг вақти, кун тартибидаги ўрни, дастурнинг ҳар бир бўлимларини тўғри алмаштириб туришни олдиндан ўйлаб, аниқ белгилаб олиш зарур.