Pedagogika 017, 3-son Bosh muharrir

Рахимов Б. Х.
Бўлажак ўқитувчиларни илмий тадқиқот ишларига йўналтириш асослари.
– Тошкент: Фан, 2007. – Б. 152.
2
Джураев Р. Х.
Теория и практика интенсификации профессиональной подготовки 
учащихся профтехучилищ. – Ташкент: Фан, 1992. – С. 124; 
Рахимов Б. Х.
Бўлажак 
ўқитувчиларни илмий тадқиқот ишларига йўналтириш асослари. – Тошкент: Фан, 2007.
– Б. 152. 

---

PEDAGOGIKA 
2017, 3-son
 
 
127 
Jumladan, Guliston davlat universiteti kafedralari qoshida tashkil etilgan 
“Yosh olimlar” maktablari о‘z tarkibiga uzluksiz ta’lim tizimi bо‘yicha maktab 
о‘quvchilari, akademik litsey va universitet talabalarini biriktirgan. Bunday 
maktabning tо‘garaklardan afzalligi shundaki, unda mashg‘ulotlar noan’anaviy 
tarzda: bahs-munozara, didaktik va rolli о‘yinlar hamda noan’anaviy tarbiya 
darslari kо‘rinishida amalga oshiriladi. Bu yerda о‘quvchi va talabaga о‘zaro 
munosabatga kirisha olish hamda ular ilmiy-ijodiy qobiliyatlarini namoyon eta 
olishlari uchun tо‘liq shart-sharoit hamda erkinlik yaratib berilgan. 
Guliston davlat universitetida ilmiy tadqiqot ishlari samaradorligini 
oshirish maqsadida universitet “Yosh olimlar” kengashi tashkil etilgan. 
Kafedralarda tashkil etilgan “Yosh olimlar” maktabi hamda “Kichik 
maktab”larga bо‘lingan. “Yosh olimlar” maktabi hamda “Kichik maktab”larning 
a’zolari kafedraning bosh ilmiy tadqiqot muammosi asosida ishlab chiqilgan 
ilmiy mavzular bо‘yicha tadqiqotchilik faoliyatlarini olib boradi. Tabiiyki, ishlab 
chiqilgan mavzular kafedra mutaxassis-olimlarining tadqiqot ishlariga oid 
bо‘ladi. Har bir mavzu bо‘yicha ilmiy rahbarlar tayinlanadi. Bunda muammo 
rahbari о‘z ixtiyoridagi mavzular rahbarlari bilan ilmiy tadqiqot ishlarining 
borishini nazorat va tahlil qilish maqsadida yillik reja tuzadi. Olib borilgan 
tadqiqot ishlari seminarlarda muhokama qilinadi va tegishli tadbirlar о‘tkazilib, 
ulardan hosil bо‘lgan xulosalar bо‘yicha maxsus shaklda ilmiy ishlar prorektori 
huzuridagi “Yosh olimlar” kengashiga axborot berib boriladi.
Yuqoridagi ilmiy tadqiqot ishlarini rejalashtirishga bо‘lgan talablarni 
e’tiborga olib, har bir yо‘nalish bо‘yicha joriy va istiqbolli rejalar ishlab chiqilishi 
kerak. Ushbu rejalarning amalga oshishini muammo rahbari nazorat qilib boradi 
va har bir mavzu bо‘yicha ilmiy tadqiqot ishi monitoringi yuritilib, uning 
natijalari tahlil qilinadi. Bunda ilmiy tadqiqot ishini samarali amalga oshirish 
kо‘rsatkichlariga qat’iy amal qilish zarur, aks holda samarasiz, dolzarb bо‘lmagan 
ishlanmalar vujudga kelishi mumkin. 
Amalga oshiriladigan ilmiy tadqiqot ishlari haqida muntazam axborot olish 
va ma’lumotlar bazasini yaratish tadqiqotni ilmiy asosda hamda samarali tashkil 
qilishni kafolatlaydi. Bu nafaqat ilmiy tadqiqot ishining reja bо‘yicha borishini 
kafolatlaydi, balki mazkur sohaning keyingi bosqichida qilinadigan ishlarga 
tavsiyalar berishga ham asos bо‘lib xizmat qiladi.