Pedagogika 017, 3-son Bosh muharrir

PEDAGOGIKA 
2017, 3-son
 
 
125 
Talabalar tomonidan ta’lim jarayonida ilmiy tadqiqot ishlariga 
yо‘naltirishga yetarli e’tibor berilmasligi tо‘g‘risidagi fikrlar bildirilgan. Bundan 
shunday xulosa qilish mumkinki, tegishli kafedralarda talabalarning 
tadqiqotchilik faoliyatiga jiddiy e’tibor qaratilmaydi va talabalarning mavjud 
intellektual salohiyatidan foydalanilmaydi.
Talabalar ilmiy-ijodiy ishlariga qо‘yilgan talablarga ma’muriyat tomonidan 
e’tibor berilmasligi tо‘g‘risida fikr bildirgan bо‘lib, buning sababini bilish uchun 
о‘tkazilgan suhbatlar talabalarning notо‘g‘ri tasavvurda ekanligi tо‘g‘risidagi 
xulosaga kelishimizga sabab bо‘ldi, ya’ni qо‘yilgan savol bо‘yicha talabalar 
ma’muriyatning yondashuvini bevosita о‘zlari ishtirokidagi jarayon deb qabul 
qilishgan. Bunda ular ma’muriy-boshqaruv tizimida ilmiy-ijodiy ishlarni 
kuchaytirish, olib borish, talabalarni tadqiqot ishlariga kengroq jalb etish kabi 
ma’muriy-ta’minot ishlariga (zarur moddiy-texnik ta’minot), me’yoriy-joriy 
hujjatlarning ishlab chiqilishi va ijrosiga e’tibor bermaganliklari ma’lum bо‘ldi.
Oliy о‘quv yurti rahbariyati tomonidan talabalarni ilmiy tadqiqot ishlariga 
jalb etishga yuzaki yoki jiddiy qaralishini aniqlashga oid bo‘lgan savol 
talabalarning rahbariyatga munosabatini bilishga qaratilgan bо‘lib, olingan 
natija bu holatni ijobiy baholashga, nazarimizda yetarli emas. 
Ilmiy tadqiqot ishiga jalb etishda ilmiy uyushmalar faoliyatining sustligi, 
shuningdek, guruh rahbarlarining talabalarni ilmiy-ijodiy ishlarga jalb etishga oid 
bilim va tajribasining yetishmasligi tо‘g‘risida bildirilgan munosabat va fan 
о‘qituvchilarining talabalarni ilmiy-ijodiy ishlarga jalb etishga oid bilim va 
tajribalarining kamligi tо‘g‘risidagi fikrlarni ancha munozarali holat deb baholash 
mumkin, chunki guruh rahbarlari hamda fan о‘qituvchilarining bilimi va tajribasi 
yetarli emasligi bu shuncha pedagogik xodimlar tomonidan tadqiqot ishlari olib 
borilmayotganligi yoki tadqiqotchilik faoliyatiga dastlab fan о‘qituvchilarning 
о‘zlarini jalb etish zarurligi tо‘g‘risidagi xulosaga olib keladi. Bu esa oliy ta’lim 
muassasasi fan о‘qituvchisining salohiyati qay darajada ekanligi tо‘g‘risida 
tashvishli xulosani beradi.
Bо‘lajak о‘qituvchilarni mutaxassis sifatida tayyorlashda amaldagi о‘quv 
rejalarida nazariy pedagogik yо‘nalish ustuvor, psixologik va ilmiy-amaliy hamda 
metodik yо‘nalish ancha nochor. Bu hol sirtdan qaraganda mutaxassis 
tayyorlash ishiga ilmiy talablar asosida yondashilayotgandek kо‘rinsa-da, aslida, 
tayyor qoliplarga moslashish va talabalarning ilmiy tadqiqotchilik faoliyatiga 
yо‘naltirilmayotganligini ifodalaydi. Oliy maktablarni bitirib chiqayotgan yosh 
mutaxassislarning kasbiy-shaxsiy sifatlari va tadqiqotchilik kо‘nikmalari alohida 

---