Pedagogika 016, 1-son Bosh muharrir

PEDAGOGIKA
2016, 1-son
 
 
35 
Menejmentga tatbiqan strategiya ta’lim muassasasining maqsadlariga maqbul 
darajada erishishni ta’minlaydigan har tomonlama tizimli rejalashtirishni 
bildiradi. 
3. Strategik rejalashtirish boshqaruv faoliyatining tо‘rtta asosiy turini: 
resurslarni taqsimlash, tashqi muhitga moslashish, ichki muvofiqlashtirish; 
oldindan kо‘ra biladigan, uyushgan strategiyani kо‘zda tutadi. 
4. Strategiyani amalga oshirish boshqaruv funksiyasi bо‘lmish 
rejalashtirishning eng muhim tarkibiy qismi hisoblanadi. Strategiyani amalga 
oshirish uchun, avvalo, taktika zarur. Ta’lim muassasasining strategiyasida aks 
ettirilgan uzoq muddatli maqsadlar bosqichlarga yoki qisqa muddatli 
maqsadlarga bо‘linishi kerak. Qisqa muddatli maqsadlarga erishish esa batafsil 
ishlab chiqilgan rejaga, taktika deb nomlanuvchi о‘ziga xos qisqa muddatli 
strategiyaga asoslanishi lozim. 
5. Taktika strategiyani rivojlantirish uchun ishlab chiqiladi. U strategiyaga 
nisbatan birmuncha qisqa muddatga mо‘ljallangan. Strategiya natijalari, odatda, 
bir necha yildan keyin, taktika natijalari esa tez orada namoyon bо‘lib, qо‘yilgan 
muayyan maqsadlar bilan oson taqqoslanadi. Agar strategiya, odatda, boshqaruv 
organining yuqori idoralari tomonidan belgilanadigan bо‘lsa, taktika kо‘pincha 
boshqaruvning о‘rta bо‘g‘ini rahbarligi darajasida ishlab chiqiladi. 
6. Uzoq muddatli (strategik) va taktik rejalarni bir-biri bilan bog‘lash uchun 
ta’limni boshqarish organi (ta’lim muassasasi)ning maqsadlarga erishishni 
yengillashtiradigan harakatlar va qarorlar qabul qilish uchun umumiy rahbarlikni 
amalga oshiradigan g‘oyalar ishlab chiqish zarur. Bunday g‘oyalar muayyan 
vaziyatda harakat qilish tartibini aniq belgilaydi. 
7. Strategik rejaning amalga oshirilishi taktika hamda g‘oyalar ishlab chiqish 
bilan birga, qо‘yilgan vazifalarning bajarilishi yuzasidan nazorat qilishni nazarda 
tutadi. Bunda nazorat topshiriqlarning hajmi va muddatlari, belgilangan 
kо‘rsatkichlarning butun majmui bо‘yicha bajarilishini tekshirishni taqozo qiladi. 
Bundan tashqari, nazorat ta’sirchan bо‘lishi, ya’ni aniqlangan kamchiliklar 
bartaraf etilishi kerak. 

---