Pedagogika 015, 2-son Muassis: Nizomiy

PEDAGOGIKA
2015, 2-son
 
 
17 
JAMOADAGI AGRESSIV HOLATLAR VA 
ULARNI BARTARAF ETISH YO‘LLARI 
Rasulova F.F. (TDPU) 
Abstract 
This article provides systemic method of correction of aggressive behavior. 
It equips teachers with the methods of preventing aggression in school conflicts.
Резюме 
В статье предоставлен системный
метод коррекции агрессивного 
поведения. Она вооружает преподавателей методами предотвращения 
агрессии в школьных конфликтах. 
Tayanch tushunchalar: agressiya, pedagogik ziddiyatlar, hissiyot, 
adrenalin, opponent, agressiyadan himoyalanish metodlari. 
Millat, mamlakatning ertangi kuni qanday bo‘lishi bugungi kun 
pedagoglari mehnati samarasiga bog‘liq. Yer yuzida inson paydo bo‘libdiki, kim 
bo‘lishidan qat’i nazar, barchasining taqdiri ozgina bo‘lsa-da, ushbu mo‘tabar 
kasb egalariga bog‘liq bo‘ladi.
Ammo pedagogik faoliyatda sodir bo‘lib turadigan ziddiyatlar borki, bu 
pedagog 
mehnat 
unumdorligining 
pasayishiga, 
ruhiy 
muvozanatining 
buzilishiga, jamoadagi mavqeyiga ta’sir ko‘rsatmay qolmaydi. Uning natijasida
inson asabiy, jizzaki va agressiv bo‘lib qoladi. Qarama-qarshi istaklar kurashi 
to‘sig‘idan tashqari ko‘pincha xarakterlar nomutanosibligi to‘sig‘i ham muomala 
jarayoniga salbiy ta’sir etadi. Ko‘pincha, oilaviy mojarolarda, qo‘shnilar, maktab 
jamoasida hamkasblar o‘rtasidagi bir-birini yoqtirmaslik holati sababini 
“xarakterimiz to‘g‘ri kelmadi”, – deb tushuntirishadi. 20-25% kishilarda xarakter 
yoki temperamentning ma’lum qirralari shunday kuchli namoyon bo‘ladiki, 
ma’lum sharoitlarda muomala jarayonida ziddiyatlarga, asab zo‘riqishlariga olib 
kelishi mumkin. Bunday holatlar o‘quv faoliyati, o‘qituvchi-o‘quvchi 
munosabati, hamkasblar orasida ham uchrashi kuzatiladi. Muomala va muloqot 
jarayonining to‘g‘ri yo‘lga qo‘yilmaganligi o‘qituvchida ham, o‘quvchida ham 
o‘z hissiy emotsional holatini boshqara olmaslik, asabiylik, jizzakilik, qo‘pol 
so‘zlarni qo‘llash, o‘quvchini sinf jamoasi oldida izza qilish kabi xatoliklar 
natijasida pedagogik ziddiyatlar kelib chiqishi mumkin. 
Pedagogik jarayonda paydo bo‘ladigan ziddiyatlar kelib chiqishiga
quyidagi toifadagi o‘quvchilar sabab bo‘ladi: 
1. Oilasi notinch, oilaviy munosabatlarda keskinliklar mavjud bo‘lgan 
bolalar ko‘pincha sinfda “jizzakilik” qilib, arzimagan sabablar tufayli ham 

---