Pedagogika 015, 2-son Muassis: Nizomiy

PEDAGOGIKA
2015, 2-son
 
 
68 
metodikasini modernizatsiyalash, yangi talablarga moslashtirish, innovatsion 
texnologiyalarni joriy etish asosida amalga oshirilishi lozim.
Axborot faoliyati ko‘nikmalarini shakllantirish nafaqat ta’lim mazmuni 
vazifalariga, balki o‘qitish texnologiyalaridan foydalanishga ham bog‘liq. 
Ulardan biri veb-kvest texnologiyasi hisoblanadi. Bu texnologiyani o‘rganish, 
o‘zlashtirish va qo‘llash juda dolzarb bo‘lib turibdi.
Pedagogikada veb-kvest tushunchasi bugungi kunda turli veb-saytlarda 
joylashgan qisman yoki to‘liq ma’lumotlar asosida o‘quvchilar ishlashi mumkin 
bo‘lgan internetdagi ta’lim saytlari bilan izohlanadi. “Veb-kvest” (Web Quest) 
termini birinchi bo‘lib, 1995-yil yozida San-Diego (AQSH) universiteti 
professori Berni Dodjem (Bernie Dodge) tomonidan taqdim etilgan. Olim 
ta’limning turli bosqichlari uchun har xil o‘quv fanlarini o‘qitishda o‘quv 
jarayonini integratsiyalashga asoslangan internet innovatsion taqdimotini
ishlab chiqdi. Veb-kvestlar alohida muammolarni yoritishi, o‘quv fani, o‘quv 
mavzusi, shuningdek, fanlararo sohalarni qamrab olishi mumkin. Veb-kvestlar 
qisqa va uzoq vaqtga mo‘ljallangan ishlar uchun yaratilishi bilan farqlanadi. 
Qisqa vaqtga mo‘ljallangan veb-kvestlar oddiy ta’lim maqsadlari
–
bilimlarni 
kengaytirish va integratsiyalashni tadqiq etadi. Qisqa va tez bajariladigan veb-
kvestlar ko‘pincha bir yoki uch darsni tugatish uchun mo‘ljallanadi. Uzoq vaqtga 
mo‘lajallangan veb-kvestlar ta’lim maqsadlari boshqa darajalarda o‘quvchi-
larning axborot manbalaridan, internet, real hayotdan olgan ma’lumotlar asosida 
bilimlarini kengaytirish va yangi bilimlar bilan boyitish uchun xizmat qiladi. Har 
bir o‘quvchi bilimlari doirasida fanga oid muammoni tahlil qiladi va sinfda o‘z 
tushunchalarini yaratilgan veb-sahifalar orqali namoyish etadi. An’anaviy ta’lim 
veb-viktorinalaridan (misol uchun, ЯрЦДОШ // 
www.rcde.ru
 sayti orqali taqdim 
etilgan) farqli o‘laroq, veb-kvestlarda o‘quvchilar mustaqil ishlari ma’lumot 
zahiralari bilan internetda taqdim etilgan “savol-javobning to‘g‘riligini 
tekshirish” tartibida amalga oshirilmaydi. Veb-kvest natijalari o‘quvchilarning 
ishlarini veb-sahifa, veb-saytlar ko‘rinishida (lokal yoki internetda) chop etish 
bilan yakunlanadi
1
.
Ish natijalarini onlaynli chop etish bir necha maqsadlarda qo‘llanadi: 
­ o‘quvchilarni zarur va yuqori texnologiyali vazifalarni bajarishga
yo‘naltirish; 
1
Николаева Н.В. 
Образовательные 
квест-проекты 
как 
метод 
и 
средство 
развития навыков информационной деятельности учащихся // Вопросы Интернет-
образования. – Москва, 2002. – № 7. – С. 39-44. 

---