Pedagogika 015, 2-son Muassis: Nizomiy

PEDAGOGIKA
2015, 2-son
 
 
70 
­ uchinchidan, veb-kvest qo‘shimcha axborotni izlashda o‘qituvchi 
bergan aniq mavzu bo‘yicha ishlashi mumkin. O‘qituvchi tomonidan tanlangan 
saytlar bilan ishlashga yo‘l qo‘yilmaydi. Multimedia tarzida berilgan axborotlar, 
darslikda berilgan axborotlardan boshqa xususiyatlari bilan ajralib turadi. 
O‘qituvchi internet-manbalardan talabalarning tayyorgarligini hisobga olgan 
holda tanlashiga to‘g‘ri keladi. 
Veb-kvest yaratish qoidalari. Veb-kvest texnologiyasi darsiga tayyorgarlik 
o‘qituvchidan chidam va diqqatni talab qiladi. O‘qituvchi darsga informatika 
o‘qituvchisi bilan tayyorlansa, darsning samarasi ko‘proq bo‘ladi. 
Birinchi bosqich. 
1. Veb-kvest yo‘nalishini aniqlash. Bunda veb-kvestlar dars mavzusiga 
yoki sinfdan, darsdan tashqari ishlarni tashkil etishga oid bo‘lishi mumkin. 
2. O‘quvchilarning yosh jihatini aniqlash. Bu veb-kvestni bajarishda 
qanday kompyuterda ishlash ko‘nikmalari zarurligi va o‘quvchilar bunga 
qodirligi. 
3. Mavzuni aniqlash. Mavzu nafaqat o‘qituvchiga, balki o‘quvchilarga ham 
qiziqarli bo‘lishi zarur. 
4. Ishning yo‘nalishi. Har bir yo‘nalish aniq rollarda ifodalanishi va ularga 
qiziqarli nom berilishi (veb-kvest – o‘ziga xos o‘yin, boshqotirma, sarguzasht, 
shuning uchun o‘yinning, qiziqtiruvchi jihatlari albatta bo‘lishi zarur, hatto 
rollarning nomlari ham. Masalan; tergovchilar, jurnalistlar, iztoparlar, 
izlanuvchilar, folklorchilar, ertakchilar, sayohatchilar, oshpazlar, advokatlar, 
san’atshunoslar va boshqalar). Bir veb-kvestda rollar soni 2 tadan 5 tagacha 
bo‘lishi zarur. 
5. Ish tartibi. Har bir rol uchun yo‘riqnoma, natijasi va ishning tuzilishi. 
6. Veb-kvestni baholash mezonlari. Mezonlar variantlarini saytlardan 
topish mumkin, izohlar quyida ko‘rsatilgan. 
7. Veb-kvestda eng asosiysi o‘quvchilarni kvest savollariga javob izlashda 
butun dunyo ma’lumot tarmog‘ida sayohat qilishidir. O‘quvchilar javoblarni 
izlab topishi uchun o‘qituvchi izohlaridan yoki o‘quvchilar o‘z resurs 
(zahira)laridan foydalanishlari zarur. Kerakli saytlarni topish o‘qituvchi uchun 
mashaqqatli ish, biroq o‘quv jarayoni samarasi uchun bu eng zaruriy vosita 
hisoblanadi. Izohlar nusxalanishi va saytga annotatsiya sifatida berilishi kerak. 
Ikkinchi bosqich. 
1. Veb-kvestni yaratish uchun saytni tanlash. 
2. O‘quvchilar bajarishi lozim bo‘lgan topshiriq shaklini tanlash: 
­ taqdimot tarzida;
­ matn tarzida; 

---