Педагогик технологиялар ва интерфаол методлар жамланмаси

Ишбилармонлар ўйини
Жамиятдаги ижтимоий-иқтисодий муносабатларни акс эттиришга, ўқувчиларнинг муайян билим, кўникма ва малакаларини шакллантиришга қаратилган ҳамда касбий сифатларини таркиб топтириш, уларни онгли равишда касбга йўллаш, илмий дунёқарашини кенгайтиришга мўлжалланган дидактик ўйинлар ишбилармонлар ўйини дейилади. Ишбилармонлар ўйини ҳам бошқа ўйинлар каби ўқитувчи ва ўқувчилардан пухта тайёргарлик кўришни талаб этади. Ўқитувчи ишбилармонлар ўйинини уюштиришда қуйидаги вазифаларни босқичма-босқич амалга ошириши зарур: 1. Ўйин мавзусини олдиндан белгилаши; 2. Дидактик ўйиннинг мақсади, вазифалари, бориши, мантиқий кетма-кетлиги, ўқувчилар бажариши лозим бўлган топшириқларни аниқлаш ва режалаштириш; З. Дидактик ўйин давомида ўқувчилар олдига қўйиладиган ўқув-билишга оид муаммоли вазиятлар тизимини вужудга келтириш йўлларини аниқлаш ва лойиҳалаш; 4. Ўқувчиларни дидактик ўйиннинг мақсад ва вазифалари билан таништириш, дидактик ўйин талаб этадиган вазифаларни тақсимлаш, ҳар бир ўқувчига аниқ йўлланма бериш; 5. Мазкур ўқув-билишга оид муаммоли вазиятларни ҳал этишда-ўқувчиларнинг аввалги мавзулардан ўзлаштирган билим, кўникма ва малакаларини таниш, одатий ва янги кутилмаган вазиятларда қўлланиш имкониятларини аниқлаш; 6. Ўқувчиларнинг дидактик ўйинга тайёргарлик фаолиятини кузатиш ва назорат қилиш. Дидактик ўйинли дарсларни муваффақияти, аввало ўқувчиларнинг мазкур ўйинларга пухта ва қизғин тайёргарлик кўришларига, ўқитувчининг мазкур фаолиятини ташкил этиш ҳaмдa моҳирлик билан бошқаришига боғлиқ. Ўқувчиларнинг бундай ўйинга тайёргарлик кўриш фаолияти қуйидаги масалаларни билишни: 1. Дидактик ўйиннинг мақсади, вазифаси, олиб борилиш тартиби, қоидалари билан танишишни. 2. Дидактик ўйин мақсади ва вазифасидан келиб чиқадиган муаммоли вазиятни аниқлашни. З. Муаммоли вазиятдан чиқишнинг самарали йўлларини топишни. 4. Ҳар бир ўқувчининг ўзи бажариши лозим бўлган вазифаларни англаши, ўқувчидан керакли йўриқнома ва кўрсатмалар олишни. 5. Турли билим манбаларидан фойдаланган холда муаммоли вазиятни ҳал этишнинг оптимал вариантини танлашни. Дидактик ўйин иштирокчилари ўртасида ўзаро ҳамкорлик, ўзаро ёрдам ва ўзаро назорат вужудга келишини тақозо қилади.
50