Педагогик технологиялар ва интерфаол методлар жамланмаси

3аковат ўйини
Ўқитувчи «3аковат ўйини» дарсини бошлашдан олдин рангли карточкалар ёрдамида ўқувчиларни тенг сонли кичик гуруҳларга ажратиб, муаммоли топшириқларни кетма-кет эълон қила бошлайди. Ҳар бир кичик гуруҳ муаммоли топшириқлар юзасидан ўз фаразларини баён этади. Ҳамма фаразлар тингланиб бўлгач, ўқитувчи тўғри жавобни эълон қилади. Кичик гуруҳлар баён этган фаразларнинг тўғри жавобга яқинлиги ёки нотўғрилигига қараб тегишли балл қўйилади. Ўйин охирида ҳар бир кичик гуруҳнинг баллари тўпланади ва ғолиблар рағбатлантирилади.
47	«3инама-зина» ўйини	«3инама-зина» ўйинини ўтказиш учун ўқитувчи ўқувчиларга рангли карточкалар ёрдамида тенг сонли кичик гуруҳларга ажратади. Ҳар бир кичик гуруҳ учун сардорлар тайёрланади. Сардорлар ўйин саволларини олиб, ўқувчиларга бирма-бир бериб боради. Агар гуруҳ 6 та ўқувчидан ташкил топган бўлса, хар бир ўқувчи 5 та саволга жавоб бериши лозим. Саволлар ёнида тўғри жавоб ёзилганлиги сабабли гуруҳ сардорлари ўқувчиларнинг жавобларини нозорат қилиш имкониятига эга бўладилар. Ўқувчилар ҳар бир тўғри жавоб учун бир баллдан тўплаб жами 5 баллгача балл тўплаши мумкин. Шундан сўнг, ўқитувчи ўқувчиларнинг тўплаган балига қараб қайта гуруҳлайди. Ҳар бир гуруҳ ўзларининг иқтидорига қараб турли хилдаги топшириқларни беради. Ўқувчилар бу топшириқларни бажариб бўлгандан сўнг, ўзаро савол жавоб ўтказадилар ҳар бир гуруҳ ўз топшириқларини кўргазмали қуроллар асосида баён этади. Топшириқни мукаммал бажарган кичик гуруҳлар рағбатлантирилади ва ғолиблар аниқланади.
48	Ижодий ўйинлар	Ўқувчиларнинг ижодий изланиши, мантиқий фикрлашини ривожлантириш ва қўшимча билим олишга бўлган эҳтиёжларини қондиришда ижодий ўйинлар муҳим аҳамият касб этади. Таълим жараёнида вужудга келтирилган муаммоли вазиятларни ўқувчилар гуруҳининг ўзаро ҳамкорликда аввал ўзлаштирган билим, кўникма ва малакаларини ижодий қўллаш ва излаш орқали ҳал этишга замин тайёрлайдиган дидактик ўйинларни ижодий ўйинлар деб аташ лозим. М: биология дарсларида ижодий ўйинли дарслардан «Органик олам эволюциясининг асосий йўналишлари», «Органик олам эволюциясининг далиллари»ни ўрганишда фойдаланиш мақсадга мувофиқ. Бунда ўқувчилар гуруҳларга тенг бўлиниб, уларнинг ҳар бирига шартли равишда «Ботаниклар», «Зоологлар», «Эволюционистлар» деган ном берилади. Ҳар бир «мутахассислар» гуруҳи ижодий изланиб, гўёки фанда янгиликлар кашф этадилар. Ўқитувчи томонидан тавсия этилган топшириқларни кургазмали қуролларга таянган ҳолда бажариб ўз жавобларини асослайдилар. Мазкур дидактик ўйинли дарсларда ҳамма ўқувчилар ҳамкорликда ишлайдилар. Аввал ўзлаштирган билимларини янги вазиятларда қўллаб янги билимларни эгаллайдилар. Бу эса ўқувчиларнинг ўз билимларига, иқтидорига ишонч уйғотади. Натижада ҳар бир ўқувчи сидқидилдан ва жиддий тайёргарлик муваффақиятнинг гарови эканлигини англайди ва янада кўпроқ билим олишга киришади.
49