Педагогик атамалар луғати

Эксперт баҳолаш методи – мураккаб ва чигал масалани ечишга 
йўналтирилган фаолият натижасини баҳолаш методи. 
Экспресс диагностик текшириш – нейро-психологлар текширувига 
асосланган ҳолда илғор ўқитувчилар томонидан танланган метод. 
 Экспрессия – 1) ифодалилик; кечинма, ҳиссиётларни намоён этиш қуввати. 
Инсон ҳиссиётларини ташқи намоён бўлишига хос экспрессив таъсир; 2) 
инсоннинг ўзи ёҳуд ўзгаларнинг аҳволи, руҳий кечинмалари ҳақида имо-ишора 
орқали маълумот бериш (имо-ишора, юз ифодаси, пантомимика). 
 Экстерн – ўқув муассасида таълим олмасдан, курс бўйича имтиҳон 
топширувчи шахс. 
Экстернат (лот. externus – ташқи, бегона) – 1) ўқув юртида ўқув дастурини 
мустақил ўзлаштириш (машғулотларга қатнашмасдан) га асосланган таълим 
тизими. ЎзРда умумий ўрта таълимнинг 12 йиллик тизимига ўтилиши муносабати 
билан бекор қилинган; 2) ўқув муассасасида бевосита ўқимаган шахслар учун ўқув 
курси бўйича имтиҳонларни топшириш учун белгиланган тартиб. 
Эксперт баҳо – мутахассис ёки мутахассислар гуруҳи томонидан у ёки бу 
соҳада малакали ечим талаб қилинадиган масалаларни ўрганиш асосида уни 
баҳолаш. 
Экстраверсия – инсоннинг тафаккур ва диққат-эътиборини ўз атрофида рўй 
бераётган воқеа-ҳодисаларга қаратиши (интроверсияга қарама–қарши мазмунга 
эга). 
Электив принцип – ўқув предметларини ўқувчилар ихтиёрига кўра танлаш. 
Электрон алоқа –  мунозарали форумлар ўтказиш ва улардан ўқув жараёнида 
фойдаланиш учун турли рўйхатларни жонлантиришни ташкил этишга қаратилган 
метод. 
Электрон дарслик – компьютер технологиясига асосланган ўқув услубини 
қўллаш, мустақил таълим олиш, муайян фанга оид ўқув материаллари, илмий 
маълумотларни ҳар томонлама самарали ўзлаштиришга қаратилган ўқув адабиёти. 
Электрон шаклдаги ўқув-услубий материаллар – электрон дарслик, 
электрон ўқув қўлланмалар, электрон маъруза материаллари, электрон 
кутубхоналар, мос (GD, Flash ва ҳ.к.) сиғимдаги аудиовизуал материаллар, 

---

- 86 - 
86 
интерфаол ўқув курслари, компьютерда ҳисоблаш тажрибасини ўтказиш учун 
лаборатория вазифалари, тест синовларини ўтказиш тизимлари.