Педагогик атамалар луғати

Экология ўқув фани – ОЎЮ ларида талабаларга экологияга оид билим, 
тушунчалар, экологик таълим-тарбия асосларини ўргатувчи ўқув фани. 
«Экосан» халқаро Ўзбекистон экология ва саломатлик жамғармаси – 
Инсон саломатлиги ва табиатни муҳофаза қилиш учун жамиятнинг ҳамма
қатламлари ва фуқороларни аниқ ҳаракатлар қилишга бирлаштириш, эътиборга 
молик ташаббусларни, лойиҳа ва дастурларни ёйиш ва амалга оширишга ёрдам 
берувчи жамғарма тури. 
Экскурсия (лот. excursion – сайр қилиш) – 1) билимни бойитиш, амалий 
тажриба ҳосил қилиш ёки маданий-маърифий мақсадда диққатга сазовор жойларга 
жамоа бўлиб бориш; 2) бевосита кузатиш асосида муайян жараён, воқеа­ҳодиса ёки 

---

- 85 - 
85 
фаолият мазмунини ёритувчи билимларнинг пухта ўзлаштирилишини таъминловчи 
таълим шакли.
Эксперимент (лот. experimentum – тажриба, синаб кўриш) –  фанда нарса 
ва ҳодисаларни сезги-предмет фаолияти билан тадқиқ қилиш, ўрганиш. Кузатишга 
қараганда юксакроқ билиш усули; 2) муайян илмий мақсадга эришишни кўзлаб 
ўтказиладиган тажриба. 
Эксперимент баҳолаш методи – шахс психологиясида кенг қўлланилган
метод бўлиб, экспертлар сифатида текширилаётган кишиларни яхши билувчилар 
таҳлилий фаолиятини амалга ошириш методи. 
Эксперимент методи – 1) ҳодиса ва жараёнлардан режалаштирилган ишчи 
фараз асосидаги дадил - исботларни рўёбга чиқариш ва уларнинг ташқи шароитга
боғлиқлигини асослашга қаратилган метод; 2) илмий тажриба ўтказиш методи. 
Экспериментал илмий тадқиқот – таълим жараёнига янги технологиялар 
ёки уларнинг элементларини киритиш, қўлланилаётган технологиялар орасида 
янги алоқадорликни вужудга келтиришга қаратилган тадқиқот тури. 
Экспериментал педагогика – педагогиканинг педагогик ҳодисалар ва 
жараёнларни экспериментал ўрганишга асосланган алоҳида тармоғи.