Педагогик атамалар луғати

Шахс – алоҳида индивид, моҳиятан яхлит ижтимоий-ахлоқий бирлик. 
Шахс камолоти – муайян педагогик, тарихий шарт-шароитларда шахсда 
таркиб топтирилиши лозим бўлган қобилият ва иқтидор, унинг моҳиятини ташкил 
этадиган барча жиҳатларнинг тўлиқ ривожланиши.
Шахс фаоллиги — инсоннинг оламга нисбатан фаолиятли муносабати, 
моддий ва маънавий муҳитда ижтимоий аҳамиятга молик ўзгаришларни амалга 
ошириш қобилияти, инсоннинг ижодий фаолияти, иродавий ҳолати ва мулоқотида 
намоён бўладиган сифат.
Шахс хусусиятлари – муайян шахснинг бошқалардан фарқли ўзига хос 
хусусият ва белгилари, уларнинг умумийлигини кўрсатиб турувчи жиҳатлари. 
Шахсга қаратилган тестлар – шахснинг турли жиҳатлари (кўрсатма, 
қадрият, муносабат, ҳиссиётлилик, шахслараро хусусиятлар, хулқнинг типик 
шакллари)ни баҳолашга қаратилган психологик ташхис методикаси.
Шахсий гигиена – гигиенанинг бир бўлими; шахсий ҳаёт ва меҳнат 
фаолиятида амал қилиниши зарур бўлган гигиеник режим йўли билан одам 
соғлиғини сақлаш ва мустаҳкамлаш масалаларини ишлаб чиқади. 
Шахсиятли ёндашув – педагогнинг тарбияланувчига ўз тарбияси ва 
ривожланишига онгли ёндашадиган шахс сифатида қарашини ифодаловчи 
ёндашув. 
Шахсни тадқиқ этиш методлари – инсон шахсининг намоён бўлишини 
ўрганувчи усул ва методлар мажмуи.
Шахсни шакллантириш  – шахс такомиллашувидаги ўзгаришлар, ,маънавий-
ахлоқий, ақлий, жисмоний ривожланишини ифодаловчи ҳолат. 
Шахснинг йўналганлиги — аниқ вазиятлардан қатъий назар, шахс 
фаолиятини йўналтириб турувчи қатъий мотивлар мажмуи. 

---

- 84 - 
84 
Шахснинг умумий хислатлари – инсоннинг ижобий белгилари ва 
сифатлари. 
Шаҳодатномалар танлови – шаходатномадаги тегишли балл асосида ўқув 
муассасасига имтиҳон танловисиз қабул қилиш тартиби.