Педагогик атамалар луғати

Умумий педагогика – инсон ёши, руҳий ҳолати, шахсий хусусиятларидан 
қатъий назар унга таълим-тарбия бериш қонуниятлари, методлари, тамойилларини 
аниқлаш билан шуғулланувчи фан. 
Умумий ўрта таълим –  1-9-синфларда ўқувчиларга таълим-тарбия бериш ва 
уларни баркамол шахс сифатида ривожлантириш тизими. 
Умумий ўрта таълим мактаби – ўқувчиларга умумий ўрта таълим берувчи 
таълим муассасаси. 
Умумий қарорлар – таълим муассасаси фаолияти ва жамоа аъзоларининг иш 
тартиби, таълим муассасаси регламентини белгилаш ҳақидаги умумий тавсифга эга 
бўлган ҳукм. 
Умуминсоний қадрият – муайян жамият, маданият ёки тарихий давр билан 
бевосита боғланмаган, кишилар томонидан қабул этилган қадрият. 
Умумлаштириш – шахснинг воқеликни билиш, тадқиқ этишдаги муҳим 
фикрий ҳаракати ҳамда нарса ва ҳодисаларнинг ўхшаш муҳим белги, 
хусусиятларини, боғланишларни фикран муайян тушунчага бирлаштириш жараёни 
ва унинг натижаси. 
Умумлаштириш методи – шахснинг воқеликни билиш, тадқиқ этишдаги 
муҳим фикрий ҳаракати ҳамда нарса ва ҳодисаларнинг ўхшаш муҳим белги 
хусусиятларини, боғланишларни фикран муайян тушунчага бирлаштириш йўллари 
ва усуллари. 
Умумпедагогик технология – турли даражада тизмларни ифодалайдиган 
айрим таълим муассасасидаги барча таълим-тарбия соҳаларига тегишли бўлган 
технологилар. 
Университет – табиий, ижтимоий ва гуманитар йўналишда юксак малакали 
мутахассислар тайёрлашга йўналтирилган кўп тармоқли олий ўқув-илмий 
муассаса.
Университет Низоми – университетларнинг ҳуқуқ ва бурчлари ифодаланган 
меъёрий ҳужжат. 
Установка – ўқувчи ёки талабанинг муайян фаолиятни бажаришга 
қаратилган, тажрибаларига асосланган тайёргарлик даражаси. 
Устоз – касб-ҳунар, илм ўргатувчи, йўл-йўриқ кўрсатувчи, тарбияловчи 
мураббий, раҳнамо, ўқитувчи.