Педагогик атамалар луғати

Тизим(система) – 1) тартибга солинган, ўзаро боғланган ва таъсир кўрсатиб 
турадиган педагогик ҳодиса; 2) тартибга солинган тушунчалар йиғиндиси.
Тизимли – муайян тизимга асосланган педагогик ҳодисаларнинг ўзаро 
боғланган ҳолда ифодаланиши. 
Тизимли ёндашув –- тадқиқотчининг педагогик объект яхлитлигини очиб 
кўрсатишга йўналтирувчи, унинг ички алоқа ва муносабатларини белгиловчи 
жараён.
Тизимли таҳлил –  изчил таҳлил. 
Тизимлаштириш – педагогик ҳодисалар ва тушунчаларни гуруҳларга 
ажратишга асосланган фаолият. 
Тинчлик педагогикаси – педагогиканинг ёшларни тинчлик, ўзаро ёрдам, 
инсон эркинлиги ва ҳуқуқларига ҳурмат руҳида тарбиялаш, халқлар ўртасида 
дўстлик, биродарлик муаммолари билан шуғулланувчи соҳаси. 

---

- 76 - 
76 
Тинчлик педагогикаси - педагогиканинг ёшларни тинчлик, ўзаро ёрдам, 
инсон эркинлиги ва ҳуқуқларига ҳурмат руҳида тарбиялаш, халқлар ўртасида
дўстлик, биродарлик муаммолари билан шуғулланувчи соҳадир. 
Типалогия – шахснинг хилма-хил хусусиятларини асосий типларга 
ажратишга хизмат қиладиган инсон ҳақидаги фанлар, шу жумладан 
педагогиканинг ҳам таркибий қисми. 
Тифлографика – кўзи ожизлар мактабида расм солиш ва чизмачилик 
фанларини ўқитишда амал қилинадиган рельефли расм ва чизмалар чизиш 
назарияси. 
Тифлопедагогика – педагогика фанининг алоҳида тармоғи бўлиб, кўриш 
аъзолари тўлиқ ёки қисман издан чиққан болаларга таълим-тарбия бериш 
муаммоларини ўрганувчи фан. 
Тифлотехника – кўзи ожиз ўқувчиларнинг ўқиш меҳнат фаолияти ва атроф-
борлиққа тўғри мўлжал олиш, нарса ва ҳодисаларни қабул қилиш имкониятини 
кенгайтиришга кўмаклашиш мақсадида қўлланиладиган кўргазма материаллар ва 
махсус жиҳозлар. 
Товуш усули (Усули савтия) - ХХ аср бошларида савод ўргатиш ва алифбе 
дарсликлар тузишга асос бўлган усул.
Тоифа – 1) муайян педагогик фаолиятни бажариш учун зарур бўлган билим, 
кўникма ва малакаларнинг салмоғига кўра шахснинг касбий тайёргарлик даражаси; 
2) муайян педагогик фаолиятнинг мураккаблиги ва масъулиятлигига кўра 
тавсифномаси; 3) муайян касб ва мутахассислик доирасида халқ таълими 
ходимларининг меҳнат вазифаларини бажаришга касбий тайёрлик даражаси. 
Толерантлик – боғрикенглик – ўзгаларнинг турмуш тарзи, хулқ-атвори, 
одатлари, ҳис-туйғулари, фикр-мулоҳазалари, ғоялари ва эътиқодларига нисбатан 
тоқатли бўлиш. 
Толиқиш – таълим олувчининг жисмоний ва ақлий зўриқиш, салбий 
ҳиссиётлар таъсири натижасида ҳосил бўладиган ҳамда ўқув қобилиятининг 
пасайиши билан баҳоланадиган педагогик ҳолат.