Педагогик атамалар луғати

Педагогик квалиметрия – 1) таълим соҳасида ўқувчи ҳамда талабанинг 
эгаллаган билимлари ва таълим сифатининг натижаси; 2) таҳсил олувчининг 
эгаллаган билим, кўникма, малакаларини ЭҲМ воситасида ўлчаш, аниқлаш 
методикаси; 3) ўқувчилар томонидан эгалланган билим, кўникма, малака ва шахсий 
сифатларни ўлчаш тизими. 
Педагогик кенгаш – 4 тадан кам бўлмаган ўқитувчи таркибига эга бўлиб, 
мактаб директори қошида доимий фаолият юритувчи маслаҳат органи.

---

- 56 - 
56 
Педагогик кибернетика – ўқув-тарбия жараёнида педагогик тизим ва 
кибернетик ёндошув асосидаги таълим технологиялари ва ҳамда ҳисоблаш 
техникаларидан фойдаланишни самарали бошқариш ҳақидаги фан. 
Педагогик конференция – таълим-тарбия соҳаси вакилларининг муайян 
педагогик масалани муҳокама қилиш учун йиғилиш. қ. Конференция. 
Педагогик кутубхона - босма ва айрим қўлёзма асарлардан оммавий 
фойдаланишни таъминловчи маданий-маърифий ва педагогик илмий- педагогик 
муассаса; мунтазам равишда босма асарлар тўплаш, сақлаш, тартиб қилиш ва 
китобхонларга етказиш, шунингдек, ахборот- библиография ишлари билан 
шуғулланади, омманинг маданий савиясини оширишда фаоллик кўрсатади. 
Педагогик кўргазмалар – педагогик меъёрий ҳужжатлар, дастурий-методик 
адабиётлар, фотография, ўқув-лаборатория жиҳозлари, болалар бадиий ва техник 
ижоди намуналарини оммавий тарғиб-ташвиқ этишга қаратилган кўргазма. 
Педагогик лойиҳалаш – педагогик жараённинг яхлит мазмуни ва унинг 
таркибий қисмларини босқичма-босқич муайян узвийликда режалаштириш. 
Педагогик луғат – 1) педагогикага оид сўзлар (ёки морфемалар, сўз 
бирикмалари, иборалар ва бошқалар) муайян тартибда (алифболи, уяли, мавзули) 
жойлаштирилган, тавсифланувчи бирликлар, уларнинг келиб чиқиши, маънолари, 
ёзилиши, талаффузи, услубий мансублиги, бошқа тилларга таржимаси хақида 
маълумотлар жамланган китоб; 2) педагогик луғатлар маънавий маданият 
соҳасида муҳим ўрин эгаллайди, уларда жамиятнинг маълум даврда эришган 
таълим-тарбияга оид билимлари акс этади.