Педагогик атамалар луғати

Орфография – сўз шакллари - ва уларни тўғри ёзишга оид имло қоидалари 
мажмуи. 
Ота-оналар жавобгарлиги – ота-оналарнинг давлат ва жамият олдида ўз 
фарзандлари тарбиясига жавобгарлигини ифодаловчи ҳуқуқиий ахлоқий меъёрлар. 
Ота-оналар университети – ота-оналар орасида педагогик билимларни 
тарғиб этишга қаратилиб, мактаб, клуб, маҳаллалар қошида ташкил этилган 
машғулотлар. 
Ота-оналар қўмитаси – тарбиявий, хўжалик вазифаларини ҳал этишда 
мактабга ёрдам кўрсатувчи ота-оналарнинг жамоатчилик уюшмаси. 
Off–line воситаси – таълим жараёнида компьютерни Интернет тармоғига 
уланмаган ҳолатда ҳам қўллаш мумкин бўлган ўқитиш воситаси. 
Очиқ дарс – 1) ўз маҳоратини оммалаштириш мақсадида тажрибали ўқитувчи 
томонидан ўзга ўқитувчилар иштирокида ўтказиладиган очиқ дарс; 2) ўқитувчи, 
талабалар ва мактаб инспектори иштирокида методист томонидан янги таълим 
метод ва усулларини кўрсатиш ва ўргатиш мақсадида ўтказиладиган кўргазмали 
дарс. 
Очиқ мактаб – таълим методикасига шаклсиз ёндашув, ўқув материалларининг 
хилма-хиллиги, таълим олувчиларнинг қизиқишига қараб дарсларни танлаш. 
Очиқ университет – Англияда 1969 йилда катта ёшдагилар учун бакалавр 
даражасини бериш мақсадида ташкил этилган ўқув юрти. 
Оғзаки баён қилиш методи – мактаб таълим тизимида энг кўп 
қўлланиладиган ўқитувчининг оғзаки баёнига асосланилган метод.
Оғзаки нутқ –  фикрни оғзаки баён қилиш, ўзаро мулоқотга киришиш шакли. 
П 
 
Палестра – Қадимий Афинадаги ўқув-тарбия муассасаси. 
Пансофия – Ян Амос Коменский томонидан педагогик муомалага киритилган 
ва билимлар энциклопедиясини ифодалашга қаратилган атама. 
Пантомимика – ўқитувчининг мимика, имо-ишора, интонациялар билан 
бирга, руҳий ҳолати, ҳис туйғуларини ифодаловчи ҳаракатлари. Пантомимика 
ўқувчи ва ўқитувчиларнинг ўзаро фикр алмашинуви ва бир-бирига таъсир қилиши 
учун қўшимча восита бўлиб хизмат қиладиган хатти-харакатлари.