Pdf-файлидаги расмий манба

22-модда. Якка тартибдаги профилактика ишини олиб бориш 
муддатлари
Якка тартибдаги профилактика иши ижтимоий ва бошқа ёрдам 
кўрсатиш учун зарур бўлган муддатларда, вояга етмаганларнинг 
назоратсизлиги 
ва 
қаровсизлигига, 
ҳуқуқбузарликлар 
ёки 
бошқа 
ғайриижтимоий хатти-ҳаракатлар содир этишига имкон берган сабаблар 

---

88 
ва шарт-шароитлар бартараф қилингунига ёки вояга етмаганлар ўн саккиз 
ёшга тўлгунига ёхуд қонун ҳужжатларида назарда тутилган бошқа 
ҳолатлар юзага келгунига қадар олиб борилади. 
1. Муддатлар қонун ҳужжатларига кўра белгиланган аниқ вақт 
ҳисобланиб, унинг ўтиши муносабати билан маълум бир ҳуқуқ ва 
мажбуриятлар пайдо бўлади, ўзгаради ёки бекор бўлади. 
Ўзбекистон Республикасининг «Ҳуқуқбузарликлар профилактикаси 
тўғрисида»ги қонунининг 38-моддасида шахсни ҳисобга олиш муддати бир 
йил этиб белгиланган.
2. Илмий-амалий шарҳланаётган ушбу моддада вояга етмаганларнинг 
ўзига хос хусусиятларини, уларни турли салбий таъсирлардан асрашни 
кўзлаган ҳолда олиб борилишини инобатга олиб муддатлар белгиланган. 
Аммо, айрим ҳолатларда бошқа муддатлар ҳам белгиланиши мумкин, 
масалан, вояга етмаган ички ишлар органларида профилактик ҳисобга 
олинган бир йил муддатда, Вояга етмаганларга ижтимоий-ҳуқуқий ёрдам 
кўрсатиш марказида бўлган даврида, руҳий касалликдан ёҳуд гиёҳвандлик ва 
сурункали ичкиликбозлик касаллиги тузалгунга қадар ҳам олиб борилиб 
тугатилиши мумкин. 
Шуни алоҳида такидлаб ўтиш жоизки вояга етмаганлар ўртасида якка 
тартибдаги профилактика ишини олиб бориш муддатлари уларнинг 
профилактик ҳисобда туриши билан тугатилсада, аммо вояга етмаганлар 
жамоалари ўртасида мунтазам равишда тушунтириш ишларининг олиб 
борилиши мақсадга мувофиқдир. 
3. Вояга етмаганлар ўртасида назоратсизликлар ва ҳуқуқбузарликлар 
профилактикасини амалга оширишда якка тартибдаги профилактика ишини 
олиб боришнинг ҳам муддатлари мавжуд. 
Бу муддатлар қуйидагиларга бўлинади: 
якка тартибдаги профилактика
 
ишини амалга оширишни тақозо этувчи 
фактик ҳолатларнинг бекор бўлиши (ижтимоий ва бошқа ёрдам кўрсатиш 
учун зарур бўлган муддатларда, вояга етмаганларнинг назоратсизлиги ва 
қаровсизлигига, ҳуқуқбузарликлар ёки бошқа ғайриижтимоий хатти-
ҳаракатлар содир этишига имкон берган сабаблар ва шарт-шароитлар 
бартараф қилиниши) га қадар бўлган муддат; 
вояга етмаганлар ўн саккиз ёшга тўлгунига қадар бўган муддат; 
қонун ҳужжатларида назарда тутилган бошқа ҳолатлар юзага келишига 
қадар бўлган муддат.