Pdf-файлидаги расмий манба

жиноят содир этганликда айбланиб, қамоққа олиш билан боғлиқ 
бўлмаган эҳтиёт чораси қўлланганлар 
– қамоққа олиш билан боғлиқ 
бўлмаган эҳтиёт чоралари шахсни жамиятдан ва оиласидан мажбурий 
ажратишни назарда тутмайди. Бундай тоифадаги шахслар профилактик 
ҳисобга олинади; 
мажбурлов чоралари қўлланган ҳолда жиноий жазодан озод 
қилинганлар
– жиноий жазодан озод қилиш шахсни содир этган жинояти 
учун суд ҳукми билан тайинланган жазони ўташдан тўлиқ ёки қисман озод 
қилиш ҳисобланиб, Жиноят кодексига кўра мажбурлов чоралари қўлланган 
ҳолда жиноий жазодан озод қилиш ҳам жазодан озод қилишнинг алоҳида 
тури ҳисобланади. Бундай тоифадаги шахслар профлактик ҳисобга олинади; 
жазони ўташдан муддатидан илгари шартли равишда озод 
қилинганлар, шахс ижтимоий хавфлилик хусусиятини йўқотганлиги сабабли 
ёки айбдор ўз қилмишига чин кўнгилдан пушаймон бўлганлиги муносабати 
билан ёхуд амнистия акти ёки афв этиш асосида жазодан озод қилинганлар – 
мазкур ҳолатлар ҳам жазони ўташдан озод қилишнинг алоҳида турлари 
бўлиб бундай тоифадаги шахслар профлактик ҳисобга олинади; 
ҳукмнинг ижроси кечиктирилганлар – амалдаги Жиноят-процессуал 
кодексининг 533-моддасига кўра судья озодликдан маҳрум этилган шахсга 
нисбатан ҳукм ижросини қуйидаги асослардан бирортаси мавжуд бўлганда 
кечиктириши мумкин: 1) маҳкум жазони ўташига монелик қиладиган 
даражада оғир касал бўлиб қолганида – у соғайгунча; 2) ҳукмни ижро этиш 
пайтигача маҳкума ҳомиладор бўлиб қолса – бир йилдан ошиқ бўлмаган 
муддатга; 3) маҳкуманинг ёш боласи бўлса – у уч ёшга тўлгунга қадар; 4) 
жазони дарҳол ўташни бошлаш ёнғин ёки бошқа бирор табиий офат юз 
берганлиги, оиланинг меҳнатга яроқли ягона аъзоси оғир касал бўлиб 
қолганлиги, вафот этганлиги оқибатида ёки бошқа фавқулодда ҳолатлар 
маҳкум ёки унинг оиласини жуда мушкул аҳволга солиб қўйиши мумкин 
бўлса – уч ойдан ошмаган муддатга; 

---

86