Ботаника институти ва ўзбекистон миллий университети ҳузуридаги илмий даражалар берувчи

Тадқиқотнинг илмий янгилиги қуйидагилардан иборат:: илк бор 
Зарафшон дарёси қуйи оқими ҳавзаси альгофлорасида сувўтларининг 5 та 
бўлим, 11 та синф, 33 та тартиб, 53 та оила, 94 та туркумга мансуб 294 та тур 
ва тур хиллари (227 та тур, 61 та вариация, 6 та форма) аниқланган; 
илк бор Ўзбекистон ва Марказий Осиё сув ҳавзалари учун 
сувўтларининг 3 та бўлим, 5 та синф, 6 та тартиб, 10 та оила ва 16 та 
туркумга мансуб 21 та янги тури аниқланган; 

---

8 
альгофлоранинг турлар таркибини мавсумлар давомида ва оқим бўйлаб 
ўзгариши аниқланган; 
илк бор сувўтлар ҳужайрасида паразитлик қилувчи замбуруғларнинг 
фан учун янги тур ва туркуми (Sanchytrium tribonemae) аниқланган ва ДНК 
таҳлиллари асосида унинг филогенетик дарахти тузилган; 
қуйи оқим альгофлорасидаги сапробликка индикатор турларнинг 
сувнинг санитария ҳолатини баҳолашдаги аҳамияти асосланган. 
Тадқиқотнинг амалий натижалари қуйидагилардан иборат: 
Альгофлора таркибида аниқланган 99 та сапробликка индикатор турлар 
рўйхати тузилган; 
294 та тур ва тур хилларини ўз ичига олган Зарафшон дарёси қуйи 
оқими альгофлораси маълумотлар базаси яратилган. 
Тадқиқот натижаларининг ишончлилиги замонавий усулларнинг 
қўлланилганлиги, олинган натижаларнинг халқаро илмий нашрларда чоп 
этилганлиги, олинган маълумотларнинг экология ва табиатни муҳофаза 
қилиш ташкилотлари фаолиятига киритилганлиги, йиғилган сувўтлар 
намуналарини «Сув ҳавзалари сувўтлар флораси» коллекцияси фондида 
сақланаётганлиги, тадқиқот натижаларининг тегишли давлат тузилмалари 
томонидан тасдиқланганлиги билан изоҳланади. 
Тадқиқот натижаларининг илмий ва амалий аҳамияти. Тадқиқот 
натижаларининг илмий аҳамияти Зарафшон дарёси қуйи оқими сувўтлар 
флорасининг турлар таркиби илк бор аниқланиб, тўлиқ инвентаризация 
қилинганлиги, Ўзбекистон ва Марказий Осиё сув ҳавзалари альгофлораси 
учун янги турларни қайд этилганлиги, дарё альгофлорасининг мавсумий ва 
оқим бўйлаб ривожланишида экологик омилларнинг ролини асосланганлиги 
билан изоҳланади. 
Тадқиқот натижаларининг амалий аҳамияти олинган натижаларни 
табиатни муҳофаза қилиш фаолиятида сувнинг органик моддалар билан 
ифлосланишини кўрсатувчи сапробликка индикатор турлардан сувнинг 
сифатини аниқлаш ва сувнинг мавсумларда оқим бўйлаб шўрланиши, рН ва 
минерал таркиби даражаларини баҳолашга хизмат қилиши билан изоҳланади.