«turon-iqbol»

Ilk qadam
SIZNI KO‘PROQ NIMA HAYRATGA SOLADI...?
Ayol qalbidagi farzandiga bo‘lgan mehr-muhabbat eng oliy 
tuyg‘u bo‘lsa kerak. Ona mehri hech qanday chegara bilmaydi, 
ta’riflarga sig‘maydi, uni faqat qalb bilan his etish mumkin.
Lekin meni hayratga soladigani bu emas...
To‘qqiz oy vujudida ko‘tarib yurgan, ming azob bilan dun-
yoga keltirgan yuragining bir parchasidan voz kechayotgan, so-
tib yuborayotgan, mehribonlik uylariga tashlab ketayotgan bu 
ham yetmagandek, o‘z farzandining qotiliga aylanayotgan “ona-
lar”ning (rosti ona deyishga ham tilim bormaydi) qilmishlaridan 
ham hayratga, ham dahshatga tushaman.
Nahotki shunday insonlar haqiqatdan ham bor bo‘lsa, nahot-
ki ular bilan bir havodan nafas olib yashayotgan bo‘lsak...
Har doim shunday voqealar qulog‘imga chalinganda go‘yo 
qo‘rqinchli ertak tinglayotgandek bo‘laman. Ishongim kelmaydi 
haqiqatligiga... 
Bir ona qaydadir farzandining dardiga darmon istab nola 
chekayotgan bir paytda boshqa bir ona o‘z farzandining hayotiga 
nuqta qo‘ysa qanchalar dahshat. 
Hayratlanaman: ayol qalbidagi mehrning eng yuksak namu-
nasi va jaholatning eng og‘ir darajasidan...
Osmon va yer qadar ulkan tafovut...

---

99