«turon-iqbol»

ULUG‘BEK HAMDAMNING “MUVOZANAT”  
ASARINI O‘QIB TURIB UNDAGI  
OTA-ONASINI XATOLARI QURBONIGA 
AYLANIB, VAFOT ETGAN JAJJIGINA  
MUHAMMADJONGA ATALGAN SHE’R
Kuzlar keldi shamollarning qo‘lin tutib
Xazon yanglig‘ ko‘nglimga g‘am to‘kiladi.
Aybsizginam shum qismatning zahrin yutib,
Jim ketganing yuragimga o‘t qaladi.
Jajji joning qiynagan shu dardlar qursin,
Darmon istab javdiradi qaro ko‘zing.
Shifokormish, najotkormish – nafs qullari
Kuldilarmi so‘ldirishib oydek yuzing.
Onang bir yon, otang ketib o‘zga tomon,
O‘ylagandi ular senmas o‘zin ko‘proq.

---

95
Ilk qadam
Dil rishtasin uzganiga jazomi ayt
Sening jonsiz jisming uzra tushgan tuproq.
Sig‘madimi shundayin keng dunyolarga,
Yerga singdi eh beg‘ubor tuyg‘ularing,
Orom olgin ruhing mangu topsin qo‘nim,
Jannatlarda yangrab tursin kulgularing...
 
 ISYON
Tohir Malikning “Alvido bolalik” 
 asari qahramoni Qamariddin
 tilidan
Isyonkor yuragim faryod qildi-ku,
Oyni ham yig‘latdi sokin tunlari...
Butun hayotimni barbod qildi-ku,
Baxtli bolalikning baxtsiz kunlari.
Men baxtli yashashga haqlimasmidim,
Baxtning yo‘llaridan qismatim ayro.
Nafrat olovida qovrildim yondim,
Yuray desam yo‘l yo‘q to‘rt yonim sahro.
Men yurgan yo‘llarning adog‘i bormi,
Men bosgan qadamda qani nihoya.
Yuragimga isyon abadiy yormi?
Nahotki hayotim g‘amli hikoya.
Endi umrim o‘tgay g‘alayonlarda,
Endi yasholmasman bir lahza sokin.
Dunyoda nohaqlik tugab bitganda,
Mening yuragim ham topgaydir taskin!

---

96