«turon-iqbol»

“AFG‘ONISTONDA BOLALAR KO‘P,      
AMMO BOLALIK YO‘Q”. HOLID HUSAYNIY 
“SHAMOL ORTIDAN YUGURIB”. 
Qon ko‘pchiydi bosilgan har qadamlarda,
Fig‘on chekar, afg‘on xalqi alamlarda,
Odamiylik yo‘qolganmi odamlarda,
Bolalarga qaytib bering bolaligin...
So‘nggi bormi dil o‘rtovchi nolalarning,
Gunohi ne nozik gul-u lolalarning,
Begonasi bo‘lmaydi-ku bolalarning,
Bolalarga qaytib bering bolaligin...
Ko‘zin ochib ko‘rgan kuni xorlikmidi,
Bir qultum suv, bir luqmaga zorlikmidi,
“Podsholigi” sho‘r qismatga yorlikmidi,
Bolalarga qaytib bering bolaligin...

---

94
Ilk qadam
Ulg‘ayganda baland uylar qurmoqchidir,
Vatan deya sarhadlarda turmoqchidir,
Biri shoir, biri olim bo‘lmoqchidir,
Bolalarga qaytib bering bolaligin...
Baxtdan masrur, shodon kuylar kuylasinlar,
Onasidan alla, ertak tinglasinlar,
Adirlarda “varrakbozlik” o‘ynasinlar,
Bolalarga qaytib bering bolaligin...
Urush nomi dunyolardan o‘chib ketsin,
Yuraklarga ingan dardlar ko‘chib ketsin,
Yer-samoni kulgulari quchib ketsin, 
Bolalarga qaytib bering bolaligin!!!