«turon-iqbol»

ACHCHIQ HAQIQAT
– Sen o‘z qobig‘ingga o‘zing o‘ralib olgansan.
Qiz yaqin dugonasiga anchadan buyon yig‘ilib qolgan, hech 
kimga aytolmay kelayotgan dardlarini to‘kib soldi-yu, ammo 
bularning sababchisi o‘zi ekanligi haqida o‘ylab ko‘rmagandi. 
Nima deyishini bilmasdan, jim qotdi.
– U Armstrongdan bor-yo‘gi bir necha daqiqa keyin Oyga 
qadam qo‘ygan. Ammo hech kim uni bilmaydi Sabo… Dunyo 
ikkinchilarni tan olmaydi. Sabo… Shuning uchun ham hozir senga 
qo‘ng‘iroq qilib turibman. Sabo… Sen men uchun doim birinchi 
o‘rinda bo‘lgansan. Ammo bu bilan sendan ham shuni talab qilol-
mayman. Hayot seniki, uni qanday xohlasang, shunday qur. Faqat, 
unda... men ham bo‘lay. Tug‘ilgan kuning bilan Sabo… 
Ilyos boshqa so‘z aytolmay, Saboning nima deb javob beri-
shini ham kutmay telefonni o‘chirdi. O‘zini favqulodda bir 
buyuk jasorat ko‘rsatgandek baxtiyor his qilardi. Go‘yo uning bu 
gaplari unga qanot bag‘ishladi-yu ko‘m-ko‘k samolarda parvoz 
qilayotgandek, o‘z-o‘zidan masrur, baxtli… Turli xil o‘y-xayol-
lar bilan ko‘ziga uyqu ham ilinmadi. Tongga yaqin Sabohatdan 
xabar keldi.

---

55