Farmakologiya

Lidokain (ksikain). Kuchli mahalliy og‘riq qoldiruvchi
ta’sirga ega. Mahalliy og‘riq qoldirishning hamma turlarida
(yuzaki, infiltratsion, regionar, orqa miya  anesteziyasi) novo-
kainga nisbatan ta’siri tezroq, kuchliroq va uzoqroq davom etadi.
Bundan tashqari, lidokain aritmiyaga qarshi ta’sirga ega. U
ektopik impulslar hosil bo‘lishini kamaytiradi. Qorincha taxikar-
diyasida, ekstrasistoliyada va boshqalarda ishlatiladi (batafsil
ma’lumot uchun «Aritmiyaga qarshi dorilar» bandiga qarang).
Kokain alkaloidi boshqa mahalliy anestetiklarga qarshi
o‘laroq markaziy nerv tizimiga qo‘zg‘atadigan ta’sir etgani
uchun eyforiya va gallutsinatsiya holatlari kuzatiladi. U qaytadan
yuborib turilsa, organizm o‘rganib (qaram) qolishi mumkin.
Bu hol kokainizm deyiladi. Kokainning markaziy nerv tizimiga
(MNÒ) bunday ta’siri adrenoretseptorlarning qo‘zg‘alishi va
mediator noradrenalinning sinaptik bo‘shliqda yig‘ilishi bilan
bog‘liq, degan fikr bor. Shu sababli kokain periferik qon
tomirlarini toraytiradi, qon bosimini qisman ko‘taradi.
Òibbiyot amaliyoti uchun kokainning rezorbtiv ta’siri
ahamiyatsiz. U kokainizm holatiga sabab bo‘lgani uchun qattiq
nazorat ostiga olingan.