Зовурлаштирилган территориянининг сув – туз баланси

Ushlab qoluvchi zovur
mahalliy gorizontal
zovurdan shu bilan farq qiladiki, u
alohida hollarda, sizot suvlar gorizontal yo’nalishda harakatlanib, territoriyani
botqoqlashtiradigan joylarda quriladi. Bunda yiriq kanallar va suv omborlari yer osti

---

oqimining manbai bo’lishi mumkin. Ushlab qoluvchi zovur (kollektor)ni odatda suvlari
filtrlanib, yerlarning botqoqlanishiga sabab bo’layotgan kanalga paralel yo’nalishda
quriladi. Ushlab qoluvchi zovur yoki kollektorning kesimini odatdagi gidravlik usulda
hisoblab chiqiladi. 
Kuchaytirgichli zovur.
Gorizontal (ochiq) zovurning tubida, muayyan oraliqda,
suv o’tkazuvchi qatlamgacha yetib boradigan chuqurlikda parmalab kovlangan quduqlar
ana shunday zovurning kuchaytirgichli xizmatini o’taydi. Kuchaytirgichlarga xuddi
vertikal zovurlardagi kabi cho’kma quvurlar va filtr o’rnatiladi.,Pastki qavatlardagi sizot
suvlarining kuchaytirgichlarga quyilib oqib qelishi tufayli kollektorning debiti ortadi.
Shag’al yoki qum qavatlarida joylashgan suv o’tkazuvchi qalin qatlam mavjud
bo’lgan taqdirdagina kuchaytirgichli kollektor qurishni loyixalashtirish mumkin. 
Kuchaytirgichli kollektorni hisoblab chiqish 1 km masofada nechta kuchaytirgich
bo’lishini aniqlashdan iborat. Shuning uchun kollektorlar o’rtasidagi masofa va har bir
kollektorning umumiy debiti so’zsiz ortadi. 
Kuchaytirgichlar qurilgan (suv o’tkazuvchi qavatlarda) kollektor yig’ilib keladigan
suv ana shunday kuchaytirgichlari bo’lmagan kollektordagiga nisbatan 3 – 4 barobar ko’p
sarflanadi. Shu tufayli kuchaytirgichlar qurish uchun qilingan sarflar to’la – to’kis
qoplanadi. Biroq shuni aytib o’tish kerakki, hozirda ishlab turgan gorizontal zovurlarda
kuchaytirgichlar hali qo’llanilayotgani yo’q. Buning sababi shundaki, kuchaytirgichlarga
oid hisoblar yanada aniqlashtirilishi hamda dala va ishlab chiqarish sharoitida
qo’shimcha tadqiqotlar o’tkazilishi kerak.