Toshkent kimyo-texnologiya instituti shahrisabz filiali tovarlar kimyosi va sifati

5.
 
Alkogolli ichimliklar 
Tarkibida etil spirti bo’lgan ichimliklar alkogolli ichimliklar deyiladi. 
Aroq, likyor-aroq mahsulotlari, uzum va meva rezavorlardan 
tayyorlangan vinolar, kon`yak alkogolli ichimliklardir. Aroq va likyor-apok 
mahsulotlari. Aroq va likyor-aroq mahsulotlari uchun etil spirti asosiy 
homashyo bo’lib xizmat qiladi. U tarkibida kraxmal bo’lgan (kartoshka, don va 
boshqalar) yoki qand bo’lgan har hil mahsulotlar, drojji yordamida achitib 
olinadi. Iste`mol uchun o’tkirligi kamida 96,5% bo’lgan, yaxshi tozalangan yoki 
rektifikasiya qilingan spirt ishlatiladi. Tozalanmagan spirt faqat texnikaviy 

---

maqsadlarda qo’llaniladi. 
Likyor-aroq mahsulotlari. Likyor-aroq mahsulotlariga damlamalar, 
nalivkalar, likyorlar va punshlar kiradi. Ularga spirt, suv, qand, shifobaxsh va 
hushbo’y o’tlar, mevalar, rezavorlar, sharbatlar, morslar, efir moyi moddalari 
homashyo bo’lib xizmat qiladi. 
Damlamalar tarkibidagi spirt va qandga ko’ra achchiq, yarim shirin va shirin 
bo’ladi. Achchiq damlamalar suv qo’shilgan va rektifikasiyalangan etil spirtiga har 
hil hushbo’y o’tlar, urug’lar, sitrus mevalarining po’sti va boshqalar qo’shib uzoq 
saqlash yo’li bilan hosil qilinadi. Hosil bo’lgan spirtli damlama suv bilan 
aralashtiriladi, ozuqa bo’yoqlari bilan rang beriladi va ozroq qand (1—2%), ayrim 
navlariga esa hushbo’yligini oshirish uchun efir moyi qo’shiladi. Achchiq 
damlamalar, ya`ni o’tkir aroq mahsulotlari tarkibida 30 dan 45% gacha spirt 
bo’ladi. Ularga: “Gorniy dubnyak”, “Zubrovka”, “Zveroboy”, “Anisovaya”, 
“Vishnevaya”, “Tminnaya”, “Myatnaya”, “Limonnaya” va boshqa turlari kiradi. 
Yarim shirin damlamalarning tarkibida 25—30% spirt va 2—3% qand bo’ladi. 
Ularga “Vishnevaya”, “Ryabinovaya”, “Yantarnaya” turlari kiradi.