Ўзбекистон республикаси олий ва ўрта махсус таълим вазирлиги тошкент архитектура қурилиш институти

Дренажларнинг тескари фильтрлари. Фильтрация сувлари ҳаракат 
қиладиган грунт дренажнинг сув қабул қилувчи қисми билан доимий алоқада 
бўлади. Ғоваклиги катта бўлган дренаж, масалан, тош ёки гравий-галечник 
аралашмасидан барпо этилади ва у билан алоқада бўлган грунт зарралари 
филтрация оқими натижасида дренаж ғовакларига тушади. Грунт 
зарраларининг кўчишини олдини олиш учун дренаж билан алоқа қилиш чизиғи 
бўйлаб тескари фильтрлар ўрнатилади, улар бир ёки бир неча қатлам қилиб 
жойлаштирилади. Ҳар бир қатлам қалинлиги 0,2 м дан катта қабул қилинади. 
Кўп қатламли фильтрларда кейинги қатлам грунт зарраларидан катта бўлади, 
шунинг эвазига фильтрация оқими таъсирида майда зарраларни кейинги қатлам 
катта ғовакликларига ўтмаслиги таъминланади. 
Баъзи бир ҳолларда дренаж тескари фильтрлари бир қатламли бўлиши 
мумкин. Бундай дренаж (тескари фильтрлар) одатда, сув урилма плитаси 
тагида, тўғон танаси товонининг тагида ёки рисбермада ўрнатилади.
Шпунтли деворлар иншоот замини грунтлари юқори сув ўтказувчан ва 
босим градиенти грунт учун йўл қуйиладиган қийматдан катта бўлганда ер ости 
контури узунлигини узайтириш учун ўрнатилади. 

---

261 
Шпунтли деворларнинг ўрнатилиш чуқурлиги уларнинг қандай 
материалдан тайёрланиши ҳамда грунтнинг турига боғлиқ. Шпунтли деворлар 
уларнинг ўрнатилиш чуқурлиги 5..6 м гача бўлганда ёғочдан, ўрнатилиш 
чуқурлиги 20..30 м гача бўлса металлдан, 30 м ва ундан ортиқ бўлса темир-
бетондан қурилади. Шпунтли деворларнинг ўрнатилиш чуқурлиги 2,5 м дан 
кам бўлмаслиги керак. Шпунтли деворлар замин грунтининг сув 
ўтказувчанлиги катта бўлган грунтларида ишлатилади. Ер ости контурида 
шпунтли деворлар бир-уч қаторли жойлаштирилади (6.15 - расм). 
 
6.15 – расм. Ер ости контурида шпунт деворларининг жойлашиш схемалари: 
а, b, d – бир қаторли; e, f, g – икки қаторли. 
Фойдаланиш бўйича 6.15 - расм, а,b,d даги схемалар ишончлидир. Сув 
урилма охирида шпунт деворларини ўрнатиш мақсадга мувофиқ эмас, чунки 
сув урилмада суъний равишда фильтрация босимини ортишига сабаб бўлади ва 
ўз навбатида унинг қалинлигини оширишга туғри келади.