Ўзбекистон республикаси олий ва ўрта махсус таълим вазирлиги тошкент архитектура қурилиш институти

 
6.4. Босимли фильтрацияни бошқариш усуллари
 
(дренажлар, шпунтлар ва х.к.)
 
Дренажлар тўғрисида тушунча. Дренажлар иншоот ер ости 
контурининг сув ўтказмайдиган қисмида жойлашган қурилма бўлиб, улар 
фильтрация сувларини қабул қилиш ва чиқариб юбориш ҳамда фильтрация 
босимини камайтириш учун хизмат қилади. Улар иншоот қирғоқлари ва 
заминларида ҳаракат қилаётган фильтрация босимини бошқаради. Дренажлар 
грунтли материаллардан (шағал, галечник, шағал-галечник аралашмаси, майда 
ва катта заррали қум), ғовакли бетонлардан ҳамда фильтрация коэффициенти 
юқори бўлган минерал толали материаллардан барпо этилади. 
Сув димловчи иншоотларда, асосан, ётиқ ҳолда (горизонтал) ва тик 
(вертикал) дренажлар ўрнатилади. Ётиқ дренаж фильтрация коэффициенти 
катта бўлган грунтли материаллардан қурилиб, тўшама устига ёпиқ ҳолда 

---

259 
(горизонтал) ётқизилади, тик (вертикал) дренаж эса бурғу қудуқлар 
кўринишида бўлади. Ҳар қандай дренаж ҳам сув қабул қилувчи ва сув 
чиқарувчи қисмлардан ташкил топади. Ҳамма вақт ҳам бу икки қисм 
биргаликда ишлайвермайди. Баъзи бир ҳолларда сув қабул қилувчи қисм сув 
чиқариш вазифасини ҳам бажаради. 
Дренажларнинг жойлашган ўрни. Сув димловчи иншоотларда дренаж 
сув урилмадан кейин, рисберма, сув урилма ва тўғон танаси тагида, шунингдек, 
понур охирида жойлаштирилади (6.14 - расм). Рисберма тагида 
жойлаштирилган дренаж (6.14 - расм, а) фильтрация оқими таъсирида заминдан 
грунт зарраларини чиқиб кетишига йўл қуймайди ва флютбетнинг сув 
ўтказмайдиган қисми тагидан фильтрация сувларини чиқариб юборади ҳамда 
флютбетга таъсир қилувчи босимини ўзгартиради. 
Тўғон танаси тагида жойлашган дренажлар (6.14 - расм, b) ер ости 
контурининг иккита участкасидаги фильтрация босимини пасайтиради. Сув 
урилма тагида ёки тўғон танаси тагида жойлаштирилган дренажлар фильтрация 
сувларини тўсиқларга учратмасдан пастки бьефга чиқариб юбориши керак. 
Агар дренаж сув урилма тагида жойлаштирилса (6.14 – расм, d), фильтрация 
босими дренаж ўрнатилган қисм узунлиги бўйича пасаяди ва шу билан бирга 
юқори бьеф участкаси томонига йўналган босим камаяди. Понур охирида 
жойлашган дренаж (6.14 – расм, е) галерея сифатида ишлатилади. 

---

260 
6.14 – расм. Иншоот ер ости контурида дренажларни жойлаштириш схемалари: 
а - сув урилмадан кейин рисберма тагида; b – сув урилма тагида; d – тўғон танаси тагида; е – 
понур охирида; 1 – дренаж; 2 – дренаж галереяси.