«Молия» илмий журнали Ўзбекистон Республикаси Олий аттестация комис

3/2022
Бухгалтерия ҳисоби ва аудит
– ўтказилган аудиторлик текширувларининг аудит стандартлари талабларига 
мослигини текшириш;
– аудит жараёнини ҳужжатлаштиришга қўйилган талабларнинг бажарилишини 
текшириш;
– аудиторлик текширув даврида иш сифатини ички назорати амалларини 
реализациясини текшириш.
Шундай килиб, Ўзбекистонда амалдаги аудит фаолиятини ташкил қилишнинг 
миллий меъёрий хужжатлари ва охирги йилларда ХАСга асосланган ҳолда аудитор 
иши сифати назоратини турли шакллари ва уларнинг қирралари баёни ташкил этиб 
келинмоқда.
Таҳлил ва натижалар
Аудит фаолиятини ривожланиш истиқболлари 2018 йил 19 сентябрдаги 
Ўзбекистон Республикаси Президентнинг «Ўзбекистон Республикасида аудиторлик 
фаолиятини янада ривожлантириш чора-тадбирлари тўғрисида»ги ПҚ–3946-сон 
қарори
2
билан белгиланди. Унда аудит фаолиятида бевосита халқаро меърий 
ҳужжатлар айниқса халқаро аудит стандартлар (ХАС)дан фойдаланишга эътибор 
қаратилди.
Аудитор ишининг сифатини назорат ишлари услубиётини ташкил этишда 
аудиторлик ташкилоти стандартларига таяниши лозим. Амалиётда «Аудитда иш 
сифатининг назорати» номли 220-халқаро аудит стандарти (ХАС-220) белгиланган. 
Бунда аудитнинг иш сифати мезонлари умумий концепцияси кўрсатилган. Унда 
берилган таъриф бўйича “Сифатни назорат қилиш тизими” қуйидаги элементларнинг 
ҳар бирини тартибга солувчи сиёсат ва тартиб-таомилларни ўз ичига олади:
• 
аудиторлик ташкилоти (фирма) ишининг сифати учун раҳбарлар 
жавобгарлиги;
• 
тегишли ахлоқий талаблар;
• 
мижозни қабул қилиш, мижоз билан муносабатларни ва муайян аудит 
келишувлари устида ишни давом эттириш;
• 
инсон ресурслари;
• 
келишувни бажариш; 
• 
мониторинг. 
Ҳозирги кунда аудитор иши сифати назоратининг ҳар бир шаклларидаги 
масалаларни амалга ошириш услубиёти, ундаги амалларни ҳужжатлаштириш 
тартиби ва бажарилиши бўйича услубий кўрсатмалар ишлаб чиқиш талаб этилади. 
Энг аввало, бозор иктисодиётида фаолият кўрсатаётган миллий аудит ташкилотлари 
қиёсий баҳоланишига ёрдам берувчи рейтинг кўрсаткичларини аниқлашда аудитор 
иши сифатини акс этирувчи кўрсаткичларни ишлаб чиқиш ва эътибор қаратилган 
ҳолда уларни такомиллаштирилиши мақсадга мувофиқ ҳисобланади.
2
Ўзбекистон Республикаси Президентининг 2018 йил 19 сентябрдаги “Ўзбекистон Республикасида 
аудиторлик фаолиятини янада ривожлантириш чора-тадбирлари тўғрисида”ги ПҚ-3946-сон 
Қарори.

---

32