«Молия» илмий журнали Ўзбекистон Республикаси Олий аттестация комис

_____________________________________________________________________
Кириш
Мамлакатимизни 2017–2021 йилларда ривожлантиришнинг бешта устувор 
йўналиши бўйича Ҳаракатлар стратегияси доирасида ўтган давр мобайнида давлат 
ва жамият ҳаётининг барча соҳаларини тутбдан ислоҳ этишга қаратилган эди. 
Бунинг натижасида давлатимизда “Рақамли Ўзбекистон – 2030” стратегияси асосида 
рақамли иқтисодиётни фаол ривожлантириш, барча тармоқлар ва соҳаларда, давлат 
бошкарувида замонавий ахборот-коммуникaция технологияларини кенг жорий 
этиш, хусусан, ҳудуд ва тармоқларни рақамли трансформaция қилишга қаратилган. 
Бунинг натижасида сунъий интеллектни ривожлантириш стратегияси ишлаб 

---

177
3/2022
Рақамли иқтисодиёт
чиқилди ва иқтисодиёт секторларида уни татбиқ қилиш орқали самарадорликни 
ошириш муаммолари қисман ўз ечимини топгандек бўлди.
Таъқидлаш жоизки, Ўзбекистон Республикасининг 2021 йил 17 февралда 
қабул қилинган “Сунъий интеллект технологияларини жадал жорий этиш учун 
шарт-шароитлар яратиш чора-тадбирлари тўғрисида”ги ПҚ-4996-сонли қарорида 
иқтисодиёт тармоқлари ва ижтимоий соҳада, давлат бошқаруви тизимида сунъий 
интеллект технологияларини ишлаб чиқиш ва улардан фойдаланишда ягона 
талаблар, жавобгарлик, хавфсизлик ва шаффофликни белгиловчи норматив ҳуқуқий 
базани ишлаб чиқиш вазифалари белгиланган бўлиб[1], мазкур вазифаларни 
таъминлашда ривожланган давлатлар илғор тажрибасини ўрганиш, уларнинг 
ижобий натижаларини республикада қўллаш муҳим масала ҳисобланади.
Мавзуга оид адабиётлар шарҳи
Ўзбекистонда пандемия шароитида онлайн рақамли платформаларни 
ривожлантиришга доир фармон ва қарорлар қабул қилинган. Рақамли 
платформаларни ривожлантиришда сунъий интеллект тизимларини жорий этиш 
технологиялари Б.Г.Ивановский “Сунъий интеллект технологияларини жорий 
этиш оркали иқтисодиётни ривожлантириш” номли илмий изланишларида 
келтирилган[3]. Электрон тижоратни ривожлантиришда сунъий интеллектни 
ўрни ва аҳамияти, мобил курилмаларни ривожлантириш, юқори тезлиқдаги 
интернетдан фойдаланиш имкониятини ошириш, BigData, IoT интенернет нарсалар, 
Р2Р технологияларини инсон фаолиятининг кўплаб соҳаларида қўлланилиши 
М.М.Икрамов, М.Ю.Жуманиёзовалар илмий ишларида эътироф этилган[4]. Он-
лайн савдода рақамли платформалардан фойдаланиш моделлари ва муаммолари, 
платформаларни глобал тартибга солишга ёндашувлар ҳам кўриб чиқилган[5].