Pedagogika 015, 4-son Muassis: Nizomiy

PEDAGOGIKA
2015, 4-son
 
 
65 
FIZIKA FANIDAN LABORATORIYA MASHG‘ULOTLARINI 
BAJARISHDA TAKOMILLASHTIRILGAN TEXNOLOGIYA 
Ahmedov A. A., Kamolova D. I., 
Artikov X. K. (Navoiy DPI) 
Abstract 
The article deals with a new model of fulfilment of laboratory works in 
physics appropriate for the trends of modern pedagogy. 
 
Резюме 
 
В статье рассматривается новая модель выполнения лабораторных 
работ по физике, соответствующая тенденциям развития современной 
педагогики. 
Tayanch tushunchalar: fizika, labaratoriya, model, laboratoriya 
mashg‘ulotlari, hisobot shakli, an’anaviy model, mustaqil turdosh laboratoriya 
ishi. 
Respublikamizda “Kadrlar tayyorlash milliy dasturi”ning sifat bosqichi 
ta’minlanayotganligini inobatga olib, umumiy o‘rta va o‘rta maxsus, kasb-hunar 
ta’limi muassasalaridagi fizika ta’limi mazmunining zamon talablari asosida 
yangilanishi, ularning yangi laboratoriya xonalari va jihozlari bilan ta’minlanishi, 
ta’lim jarayonida ta’lim texnologiyalaridan keng foydalanilishiga erishish, 
shaxsiy ijodkorlik kabi darsga munosabatlar bo‘lajak fizika o‘qituvchilarini 
(bakalavr) tayyorlash jarayoniga ijodiy ta’sir ko‘rsatishi va o‘qitish 
samaradorligini oshirish sifatini ta’minlashi muqarrardir.
Tavsiya etilayotgan laboratoriya mashg‘ulotlarini bajarishda talabalarga 
fan dasturi bo‘yicha 4 soat vaqt ajratiladi, shuning 2 soati laboratoriya ishini 
bajarilish tartibi bilan tanishish, nazariy ma’lumot olish, tajriba o‘tkazish va 
olingan natijalarga matematik ishlov berib, xatoliklarni aniqlashdan iborat 
bo‘ladi. Bunda talaba oldidagi birinchi vazifa ishning maqsadi, zarur asbob va 
jihozlar, nazariy ma’lumot, ishni bajarish tartibi, nazariy savollar ketma-ketligida 
amalga oshirishdir.
Ko‘p yillik olib borilayotgan pedagogik tadqiqotlar shuni ko‘rsatadiki, 
talabalarning bugungi kundagi talab va ehtiyojlarini qondirish, jahon 
andozalariga mos kadrlar tayyorlashda faqatgina amaliy tajribalar o‘tkazish bilan 
chegaralanib qolmaydi. Fan va texnologiyalarning jadal rivojlanishi axborotlarni 
qabul qilish va uni analiz qilib, xulosaga kelish orqali ma’lum bir malaka 
shakllantiriladi. Talabalarga individual yondashuv kompleks yondashuvga 

---