Pedagogika 015, 4-son Muassis: Nizomiy

PEDAGOGIKA
2015, 4-son
 
 
47 
Transakt tahlil xulq-atvor stereotiplarining standart (odatdagi, kundalik) 
vaziyatlarda, neyropedagogik pozitsiyalar ko‘rinishida namoyon bo‘ladigan 
kommunikatsiyaning majmuaviy va stereotipli zanjirlarini o‘rganishga 
asoslangan.
Xulosa qilib aytadigan bo‘lsak, innovatsion ta’lim muhitini tashkil etishda 
uning integrativ nazariy bazasini, umumiy metodologiyasini hamda aniq 
diagnostik va korreksion texnologiyalarini yaratishda neyropedagogika fani 
imkoniyatlari samarali qo‘llanilishi mumkin. Bu esa ta’lim jarayonida 
beriladigan ma’lumotlarni bolalarning faqatgina eslab qolishlari uchun emas, 
balki 
anglashlari 
va 
nisbatan 
qiyinchiliklarsiz 
tushunishlari 
hamda 
o‘zlashtirishlari uchun yordam beradi.
Ushbu holat bolalarda bosh miya yarim sharlari sinxronizatsiyasining 
rivojlanishini, ya’ni ularda aqliy faoliyat samaradorligining oshishini 
ta’minlaydi. Buning uchun quyidagi muhim holatlarga tayangan holda 
neyropedagogikaga asoslangan yangi pedagogik texnologiyalarning yaratilishi va 
ta’lim jarayoniga joriy etilishi kerak bo‘ladi: 
- har bir bolada ta’lim olish, atrof-muhitni tushunish va tafakkur qilish 
jarayoni turlicha kechadi; 
- har bir bola tafakkurining o‘ziga xosligi – bosh miyasi yarim sharlarining 
ma’lumotlarni qabul qilish hajmi va ishlash tezligi, u yoki bu xotira tizimining 
ustunligi va tafakkur jarayonlarining borishi bilan farq qiladi; 
- maktabgacha va boshlang‘ich ta’lim muassasalarida ta’lim jarayonini 
rejalashtirish va tashkil qilishda har bir individ bosh miya yarim sharlari 
faoliyatining o‘ziga xosliklarini hisobga olish lozim. 
Shunday qilib, har bir inson bosh miyasi betakror bo‘lib, ma’lumotlarni 
qabul qilish hajmi va ishlash tezligi, u yoki bu xotira tizimining ustunligi va 
tafakkur jarayonlarining borishi bilan bir biridan farq qiladi. Shu sababli har bir 
o‘quvchining ta’lim olish, atrof-muhitni anglash va tafakkur qilish jarayoni 
boshqalarinikidan farq qiladi. Pedagogning asosiy vazifasi har bir o‘quvchidagi 
shu betakrorlikni saqlab qolish, uni yanada shakllantirish hamda ta’lim 
jarayonida bosh miya yarim sharlari sinxronizatsiyasini rivojlantirishdan 
iboratdir.