Тошкент “транспорт ва логистика: республика транспорт-транзит салоҳиятини ривожлантиришда рақамлитехнологиялар”

Хулоса (Сonclusion) 
Мамлакатнинг иқтисодий жиҳатдан ривожланганлик даражаси 
транспорт мажмуасининг ресурсларга бўлган эҳтиëжига бевосита 
таъсир этувчи омиллардан саналади. Шу ўринда, мамлакат 
иқтисодиëти ва транспорт мажмуаси ривожланишидаги сабаб-
оқибатли тескари боғлиқлик мавжудлигини таъкидлаб ўтиш 
мумкин. Бир томондан, транспорт мажмуасининг ривожланиши 
(сабаб) мамлакат иқтисодиëтининг тараққиëтига (оқибат) олиб 
келса, иккинчи томондан, мамлакат иқтисодиëтининг тараққиëти 
(сабаб) транспорт мажмуаси ривожланишида (оқибат) ҳал қилувчи 
мазмун касб этади. Бироқ, қайд этиш жоизки, бу боғлиқлик 
транспорт мажмуасининг ресурсларга бўлган эҳтиëжига таъсир 
этувчи муҳим омил – мамлакат иқтисодиëтининг тараққиëт 
даражаси эканлигини исботлайди. Иқтисодиëт тармоқларининг 

---

632 
ўсиш суръатлари қўшимча равишда транспорт хизматларига 
эҳтиëжни келтириб чиқариши ҳеч кимга сир эмас. Тўғри, бошқа 
тармоқларнинг ўсиш суръатлари транспорт мажмуаси алоқа 
йўлларининг ўсиш суръатларидан анча илдамроқ бўлади.
Мамлакат иқтисодиëти тараққиëтини белгиловчи кўрсаткич – 
бу ялпи ички маҳсулот қийматидир. Мамлакат ялпи ички маҳсуло-
тининг муттасил равишда ошиб бориши иқтисодий ресурслардан 
самарали 
фойдаланиш 
орқалигина 
юз 
бериши 
мумкин. 
Ресурслардан самарали фойдаланиш, яъни уларнинг оптимал 
тақсимоти, ўз навбатида, иқтисодиëт тармоқлари фаолиятининг 
ривожланиш андозаларига мос равишда юксалишда эканлигидан 
далолат беради. Демак, мамлакат ялпи ички маҳсулотининг 
ўсишига фақатгина мавжуд ресурслардан оптимал фойдаланиш 
моделига (3.1) амал қилинганда эришилиши мумкинлиги, 
иқтисодиëт тармоқларидан бири бўлган транспорт мажмуасининг 
ресурс билан таъминланиш даражасига ҳам талуқли экан.