Термиз давлат университети

Л
ЛАБРИОЛА Антонио 
(1843.12.7, Кассино — 1904.2.2, Рим) — итальян 
файласуфи. Италия социалистик партиясининг асосчиларидан бири. Л. 
позитивизм нуқтаи назаридан Маркс таълимотини таҳлил қидди, унинг табиат 
ва жамиятни материалистик тушуниш наз-ясини кескин танқид қилди. Л. 
фикрича, тарихий материализм табиатшунослик билан узвий алоқада бўлмай 
турли «материя метафизикаси» бўла олмайди. Инсон фақат тарих 
субъектигина бўлиб қолмасдан, балки унинг ижодкори ҳамдир. 
ЛАМЕТРИ Жюльен Офре 
Де (23.12.1709, Сео-Мало — 1751 й. Берлин) — 
француз файласуфи, врач. Ёшлигиданоқ диншунослик ва тиббиёт фанлари 
билан шуғулланган. Ҳарбий хизматда полк врачи лавозимида ишлаган. Оғир 
безгак касаллигига дучор бўлгач, зехни ўткир инсон, олим ўзининг 
касаллигини кузатиш жараёнида физика ва фал. фанларини ўрганишга 
кизиққан, инсоннинг руҳий ҳолати унинг жисмоний вужудига боғлиқ, деган 
хулосага келган. Унинг биринчи илмий асари «Жон тўғрисида рисола» (1745) 
ана шу кузатишларга асосланган эди. Ушбу асари учун дин пешволари 

---

151 
назорати остига тушган, асари ёқиб юборилган, ўзи эса парламент қарорига 
биноан мамлакатдан Голландияга сургун қилинган. Бу ерда Л. ўз номини 
яшириб, «Инсон-машина»(1747) асарини нашр этган. Ушбу китоб ҳам ёқиб 
юборилган. Пруссия қироли Фридрих II нинг таклифи билан Берлинга кўчиб 
келган ва умрининг охиригача шу ерда яшаган. Маълумотларга кўра, 
Германияда Л.ни жуда яхши қабул қилишган ва унга қулай шароит яратиб 
берилган. Берлинда у «Инсон-ўсимлик» (1748) ва «Эпикур системаси» (1751) 
асарларини ёзган. Л. 1751 й.да даволаш усулидан ўзида синаб кўриш оқибатида 
вафот эттан. Француз олимлари орасида биринчи бўлиб, механистик 
материализм фал.си тизимини кашф этган. Ҳаракатдаги моддий субстанцияни 
ҳодисалар, жумладан онгнинг асоси деб билган. У Декартнинг ҳайвонларда 
ҳиссий сезиш хусусияти йўқ, чунки, улар оддийгина автомат шаклида 
яратилган мавжудотдир, деган фикрини рад этиб, «инсон ва ҳайвон табиат 
маҳсулидир, чунки улар табиатнинг бир хил тупроғидан яратилган», — деган 
хулосага келган. Инсон эса ҳайвондан ўзининг кўпроқ эҳтиёжи ва шу боис, 
ақлининг кўплиги билан фарқ қилади, дейди. Унинг ушбу фикри асосида — 
эҳтиёж танадаги ақл ўлчови, деган хулоса ётар эди. Л.нинг механистик фал.си, 
айниқса, унинг инсонни ўз-ўзидан ҳаракатга келадиган соат механизмлари 
каби ишлайдиган мавжудотдир, деган фикрларида намоён бўлади. Л. ўзининг 
сўнгги асарларида эволюцион наз-я ғояларини кашф этиб, ўсимликлар ва 
жониворлар дунёлари материясининг узоқ й.лар давомида ривожланиш 
натижасида ташкил топган деган хулосага келган. Л. оламни билиш тўғрисида 
сенсуализм наз-ясини ривожлантирган.