Ўзбекистон республикаси адлия вазирлиги тошкент давлат юридик институти

Адвокатура. 
Англияда адвокатлар иккита гуруҳга бўлинади: 
барристерлар 
ва
солиситорлар
. Инглиз адвокатларнинг энг катта 
гуруҳи – 
солиситорлар
, улар мустақил адвокатлар ҳисобланади. 
Солиситорлар якка тартибда ёки бошқа солиситорлар билан 
ҳамкорликда ўз мижозларига юридик масалалар бўйича маслаҳатлар 
берадилар. Солиситорлар кўпинча улар олиб борадиган ишларнинг 
амалий жиҳатлари билан шуғулланадилар. Улар суд низоларининг 
тайёрлаш босқичини таъминлайдилар ва суд процесси бошланиши 
учун зарур чораларни кўришга ҳақли бўладилар; гувоҳларни сўроқ 
қиладидар, ўз мижозлари топшириқларига мувофиқ аризалар ва 
бошқа ҳужжатлар матнларини тайёрлайдилар. 
Солиситор сифатидаги адвокатлик фаолиятининг ўзига хос 
хусусияти шундан иборатки, улар мазкур лавозимда муайян муддат 
давомида ишлаб туриб, судья лавозимига тайинланиши мумкин: 
- ўз лавозимида камида ўн йил ишлаган солиситорлар 
рекордерлар лавозимига, яъни адвокат мажбуриятларини Корона 
Судида судья мажбуриятлари билан бирлаштирадиган солиситорлар 
сифатида тайинланиши мумкин; 
- камида беш йиллик иш стажига эга бўлган солиситорлар округ 
судьялари (бу Корона Суди ёки графлик судларининг судьялари) 
бўлиши мумкин. 
Солиситор магистрат сифатида ҳам, яъни пулли асосда магистрат 
судининг судьяси ёки Олий суд аппаратининг хизматчиси сифатида 
тайинланиши мумкин. 
Солиситорлар ширкатларга бирлашиши мумкин. 
Юридик 
жамият
солиситорлар профессионал бирлашмасининг раҳбарий ва 
назорат қилувчи органи ҳисобланади. Юридик жамиятда аъзолик 
ихтиёрий бўлади. Солиситорлар бирлашмасига янги аъзоларни қабул 
қилишда малака синовларини таъминлаш Юридик жамият зиммасига 
юклатилади. У малака имтиҳонини топширган ҳар бир солиситорни 
рўйхатга олади; солиситорларнинг шахсий маълумотлари реестрини 
олиб боради; мижозларга зарар етказган ҳоллар бўйича 

---

257 
солиситорларни суғурта қилиш учун жавобгар бўлади; солиситорлар 
фаолиятининг 
текширишларини 
ўтказади; 
улар 
томонидан 
бухгалтерия ҳисоботларини олиб бориш ва даромадлари масалалари 
бўйича қарорларни қабул қилади; солиситорларга нисбатан 
интизомий ва профессионал талабларни белгилайди.