K. Z. Homitov iqtisod fanlar doktori, dotsent

74
Xulosa 
1.
Investitsiya loyihalari bo‘yicha yuqori natijalarga erishish uchun, har qanday 
loyihaning samaradorligini baholash zarur bo‘ladi. Shunday qilib, investitsiya 
loyihalarining samaradorligini aniqlash muhim ilmiy va amaliy ahamiyatga ega. 
Chunki loyihaning samaradorligini baholash darajasidan qo‘yilgan kapitalning 
qaytib kelish muddati, korxonaning rivojlanish sur’ati hamda boshqa ijtimoiy-
iqtisodiy muommalarni hal qilish imkonini beradi. 
2.
Moliyaviy baholash - investitsiya loyihasini amalga oshirish jarayonidagi 
likvidliligini tahlil qilishda ishlatiladi. Moliyaviy baholash loyihani belgilangan 
muddatlarda amalga oshirish uchun, uning jami moliyaviy majburiyatlarini 
bajarishga korxonaning yetarli moliyaviy resurslari bo‘lishini belgilashdir. 
Iqtisodiy baholash - investitsiya loyihasining potensial qobiliyati, shu loyihaga 
qo‘yilgan mablag‘larning qiymatini saqlab qolish va ularning o‘sishi sur’atining 
yetarli darajasini yaratib berish ko‘rsatkichlarini aniqlashda qo‘llaniladi. 
Moliyaviy baholash korxonaning moliyaviy natijalar to‘g‘risidagi hisoboti, 
buxgalteriya balansi, pul mablag‘lari harakatining hisoboti ma’lumotlari 
asosidagi moliyaviy koeffitsiyentlar bo‘yicha amalga oshiriladi. Iqtisodiy 
baholashda oddiy statistik usullar va diskontlashga asoslangan usullardan 
foydalaniladi. Diskontlashga asoslangan usullar yordamida sof diskontlangan 
daromad (sof joriy qiymat), daromadlilikning ichki me’yori, investitsiyalar 
rentabelligi, diskontlangan qoplanish muddatini aniqlash mumkin. 
Bobga oid tayanch so‘z va iboralar 
Investitsiya loyihalarining iqtisodiy samaradorligini baholash usullari, 
diskontlash, 
foydaning 
ichki 
me’yori, 
investitsiyalarning 
rentabelligi, 
investitsiyalarning qoplash muddati, moliyaviy baholash, iqtisodiy baholash, sof 
joriy qiymat.